Another Chance for Love

Another Chance for Love Chapter 8

"Anak" pag tawag ng Ina ni Gabbie sa kanya habang kumakatok sa pintuan ng kanyang kwarto.

"Anak, tulog ka na ba?" ulit nito bago buksan ang pintuan ng kwarto ni Gabbie. Hindi kasi sya narinig nito kaya nag desisyon syang buksan na lamang ito.

"Anak, may bisita ka" sabi nito habang inuuga ang katawan upang magising ang kanyang anak.

Hindi agad nagising si Gabbie dahil sa sobrang pagod nito sa trabaho, pag dating nya ay nakatulog agad sya, hindi na nga nya nakuha pang mag palit ng damit dahil agad na syang nahiga pagkarating ng bahay.

"Sino po Nay?" pupusngat pusngat nyang tanong.

"Si Ace" sagot nito.

"Sabihin nyo po Nay, natutulog na ako". tinatamad nyang sagot sa kanyang Ina.

"Anak, harapin mo na. Nakakahiya naman sa tao" pilit ng ina nya pero hindi sya nakibo. Ayaw nyang harapin ito dahil nga sa unti- unti na nya itong minamahal. Hindi nya maintindihan kung bakit pero kung ano man ang dahilan ay hindi nya alam. Ang mahalaga ay pigilan nya ang sarili.

"Anak, iniisip mo pa rin ba yung nangyari sa'min ng Tatay mo? Sabi ko naman sa'yo iba- iba ang kwento ng pag- ibig. Malay mo naman swerte ka diba? Kita ko naman kay Ace na sincere sya sa'yo at may mabuting hangarin. Nararamdaman ko na hindi ka nya sasaktan kaya harapin mo na sya" malumanay na sabi ng kanyang Ina

"Pero Nay, ayoko pong maranasan yung nangyari sa inyo ni Tatay. Paano kung sa una lang po sya magaling? sa una nya lang ako mamahalin? sa una lang lahat ng ginagawa nya?" naiiyak nyang sabi sa kanyang Ina sabay yakap dito.

"Anak 'wag mo ng pigilan yang nararamdaman mo. Alam ko naman na may pagtingin ka na rin sa kanya kaya 'wag mo ng pahirapan pa yang sarili mo" Sabi ng kanyang Ina habang nakayakap pa rin sa kanya.

"Hayaan mo anak, pag sinaktan ka nya. mananagot sya sa'kin" nakangiting sabi ulit ng Nanay nya. "Sige na mag- ayos ka na at harapin mo na sya ha? uuna na ako sa sala, hintayin ka namin" dagdag nito.

Tango lamang ang isinagot nito sa kanyang Ina. Huminga sya ng malalim at pinahid muna nya ang luhang pumatak kanina sa kanyang pisngi at tsaka nag- ayos ng sarili. Pag labas nya ay agad na pumasok ang Nanay nya sa kwarto nito at sinenyasan sya na matutulog na bago mag sara ng pintuan. Si Ace naman ay agad na tumayo at iniabot sa kanya ang dala nitong bouquet of flowers and chocolates.

"I hate flowers". matabang nyang wika sa binata

"I'm sorry, hindi ko alam. Wala rin namang nabaggit sakin si Nanay na ayaw mo kaya naibili kita". sagot naman ni Ace. Nanay na talaga ang tawag nya sa Nanay ni Gabbie dahil kung sasagutin sya nito at mag pa- pakasal sila ay yun din naman ang itatawag nya rito kaya bakit pa nya hihintayin ang araw na yun kung pwede namang tawagin na rin nya itong Nanay. Ganun kalakas ang fighting spirit nya at ganun sya ka- advance mag- isip.

Hindi naman sinabi ng Nanay nya kay Ace kung bakit ayaw nya ng flowers dahil gusto nya ay kay Gabbie na mismo ito manggaling.

"I'm sorry" ulit ng binata.

"Okay lang" sagot naman nya. "Ano pa bang aasahan mo sa manliligaw? diba laging may dalang flowers and chocolates para kuhanin ang loob ng nililigawan?" sambit ng utak nya.

"Sayang at nasa digital age na tayo, hindi na uso ang mag sibak ng kahoy at mag- igib ng tubig, sana napahirapan muna bago sagutin" sutil na sambit ulit ng kayang isipan.

"Siguro masaya noon no? Yung manliligaw mo makikita mong pinag hihirapan talaga na makuha ang matamis mong "oo". Ngayon kase konting flowers, chocolates, date sa mamahaling Restaurant at matatamis na salita lang mapapa oo mo na agad ang mga babae"

"Gusto mo bang ganun ang gawin ko?" tanong ni Ace dito.

"Ha?" nagtatakang tanong naman ni Gabbie

"Sabi mo masaya siguro noon dahil nag sisibak ng kahoy at nag- iigib ang mga nanliligaw" natatawang sagot naman ni Ace

"Sinabi ko ba 'yon?" tanong nya sabay takip ng kanyang kamay sa kanyang bibig, nasambit nya pala ang dapat na nasa isip nya lang. Pasaway talaga.

"Ano bang gusto mong gawin ko para sagutin mo na ako?" marahang tanong ni Ace sa dalaga.

"Pano kung hindi kita sagutin?" sabi naman ni Gabbie

"Ok lang, I'm much more willing to wait". sagot ulit ni Ace

"Bakit mo ba ako nagustuhan? Ang dami dami naman dyang iba? at isa pa, kakakilala mo lang sa'kin diba? Hinila mo pa nga ako paloob ng Taxi" mabilis nyang sabi kay Ace.

"Yung dahilan kung bakit? Hindi ko alam, basta nung makita kita hindi na ako nag dalawang isip na mag paalam kay Nanay na ligawan ka. Hindi ba mas ok nga yun? yung walang dahilan?" sinserong sagot naman nito.

"Sabagay". maigsi nyang tugon dito "pag- iisipan ko muna ha? Unang- una hinila mo ako ngayon naman inabala mo ang tulog ko, kaya pag- iisipan ko muna" nakangiting sabi nya sa binata.

"hindi mo talaga nakakalimutan yun ano? Bakit mo pa pag- iisipan? Eh nag enjoy ka nga sa pag titig sa'kin nung araw na yun". biro naman nya sa dalaga.

Tama naman si Ace. Nag- enjoy nga sya dahil ang sarap titigan ng gwapo nyang mukha, may expressive eyes, prominent jaw, matangos na ilong at mala bow and arrow na mga labi. Idagdag mo pa ang nag lalakihan nyang biceps. Ang sarap sumandal dito, kaya nga hindi agad sya nakahuma nung hilahin sya nito dahil damang dama nya ang naglalakihang dibdib ng binata. Malamang nga ay feeling safe ka talaga sa kanya pag yakap ka nya.

"Bat ka tulala? nag- enjoy ka nga ano?" natatawang wika ni Ace

"Loko!" natatawa rin naman nyang tugon sabay hampas sa balikat ng binata.

"ooh, chansing ka ha?" biro ulit nito sa kanya at nag tawanan silang dalawa.

Maginoo rin naman pala ang isang ACE ARAGON. Isa pa may sense of humor kaya mukhang hindi na nya mapipigilan ang sarili nyang mahulog dito. Ang tanong worth it kaya?

Natapos ang gabi nila sa masayang kwentuhan, kulitan at tawanan. hi6ndi na nga nila napanood ng maayos ang movie na pinapanood nila dahil abala sila sa pagkain ng pop corn habang inihahagis ito pataas at pinapa shoot sa kanilang bibig. Ang bawat pag sala ay isang pitik sa kanilang noo. Hindi pa maalam si Gabbie kaya naman mamula mula na ang noo nya sa kakapitik ng binata. Sa susunod nilang pagkikita sisiguraduhin nyang maalam na sya nito para makabawi naman sya ng pitik dito at siguradong mas lalakasan nya kaysa sa ginawa ng binata.