Another Chance for Love

Another Chance for Love- CHAPTER 7

"Magandang gabi po" bati ni Ace sa Ina ng dalaga. Dito nya balak mag hapunan kaya naman nag take- out sya ng maraming pagkain sa isang mamahaling Restaurant.

"Magandang gabi rin naman Ijo, pasok ka" bati rin ng Nanay ni Gabbie dito

"Eto po para sa inyo" wika ng binata at ipinatong ang kanyang mga pinamiling pagkain sa la mesa.

"Aba Ijo ang dami mo namang dinala. Nakakahiya naman sa'yo" wika ulit ng Nanay ni Gabbie

"Wala ho iyon, basta ho para sa inyo". nakangiting saad ni Ace

Talagang dinamihan ni Ace ang kanyang pinamili upang makuha rin ang loob ng Ina ng dalaga kahit alam naman nya na boto na ito sa kanya. Kaylangan pa ring suyuin para maipakita na rin kay Gabbie na mahal din nya ang Ina nito at tuluyan na syang pag katiwalaan at kung papalarin ay sagutin sya nito.

Agad namang tinawag si Gabbie ng kanyang Ina upang mag simula nang kumain. Napuno ng masayang kwentuhan at tawanan ang hapunan nilang tatlo.

Habang lumilipas ang araw ay tuluyan ng nahuhulog ang loob ni Gabbie sa Binata or should I say nahulog na naman talaga pero she's still holding back dahil sa nangyari sa kanyang mga Magulang. Ayaw nya itong maranasan dahil alam nya kung gaano kasakit ang maloko at masaktan nang dahil sa pag- ibig.

"Ano na Friend, nung isang araw pa namin inaantay ang kwento mo" saad ni Angela kay Gabbie habang kumakain. Break time nila kaya naman malaya syang i- hot seat ng dalawa nyang kaibigan.

"Hindi ko nga yun Boyfriend" sagot naman ni Gabbie dito

"Eh ano mo 'yon bodyguard?" sabi ni Emerald at tsaka tumawa ng malakas

"Luka talaga kayo ano? ok, eto na nga ike- kwento ko na" nakangiting sabi ni Gabbie sabay subo ng pagkain.

"Nanliligaw pa lang" dagdag pa nya.

Agad namang pinaikot ng dalawa ang kanilang mga mata na tila hindi naniniwala.

"Manliligaw pala" marahang sambit ng dalawa nyang kaibigan.

" Eh, kelan mo kami ipapakilala? Hindi namin namukhaan e, kase ang layo namin nung time na makita namin kayo" curious na tanong ni Angela

"wag na kayong umasa dahil wala naman akong balak na sagutin yun" sabi ni Gabbie

"Hooy friend, ilang taon ka na? 26? Maya- maya mag me- menopause ka na aba mag- isip ka" natatawang sabi ni Emerald

"Grabe ka naman menopause agad?" natatawa ring sagot ni Gabbie

"Kami madami ng naging Boyfriend ikaw ni isa wala?" natatawa pa ring sabi ni Angela.

"Aba friend hindi naman komo naranasan ng Nanay mo ay mararanasan mo na rin. Ibaa- iba naman ang kwento ng pag- ibig. Malay mo ang Nanay mo malas sa pag- ibig pero ikaw hindi diba?" dagdag pa nito.

"Oh, sya sya, tayo na at malapit ng mag time, mag trabaho na ulit tayo. Puro kayo pag- ibig hindi naman yan nakakabusog" sabi ni Gabbie sa dalawa at nauna nang lumakad pabalik sa Opisina.

Nag tawanan lamang ang dalawa nyang kaibigan dahil sa huling sinabi nya.

"Nakakabusog yun no? 9 months ka ngang busog e" tumatawang wika ni Angela sabay apir kay Emerald.

Mga luka talaga ang dalawang nyang kaibigan.

Naglalakad si Gabbie papunta sa paradahan ng Jeep ng napansin nyang may dalawang kotseng huminto sa harapan nya at sabay na nag bukas ng bintana ang driver ng mga kotse.

"Hop in" sabay din na sambit ng dalawa.

Nang hindi sya makapag desisyon ay agad na bumamba ang dalawa sa kotse at pinuntahan si Gabbie.

"Gabbie, sa'kin ka na sumabay" sabi ni Ace

"Ako ang mag hahatid kay Gab" ma awtoridad namang wika ni Nicholo.

Akma namang aalis ang dalaga dahil wala syang balak na may sabayan sa mga ito nang hagipin ng dalawang binata ang mag kabila nyang kamay at hinila pa nila ito.

"Pwede ba? bitawan nyo nga ako! Wala akong sasabayan sa inyo!" naiinis na sabi nya sa dalawang binata at agad na iwinasiwas ang kanyang mga kamay na hawak ng dalawa.

"Sino ka ba!?" Singhal ni Nicholo kay Ace

"Boyfriend nya ako, ikaw ano ka ba nya?" Sagot naman dito ni Ace

"Anong boyfriend? hindi pa kita sinasagot no?" Wika naman ni Gabbie. Umalis na kayong dalawa pwede ba? wala akong balak sumabay sa inyo" dagdag pa ni Gabbie at nag lakad na palayo sa kanilang dalawa.

Agad namang hinagip ni Ace ang braso ng dalaga kaya agad syang napa harap sa binata.

"Paano kung may mangyari na namang masama sa'yo?" Nag- aalala ngunit maawtoridad na wika ni Ace habang hawak pa rin ang kanyang braso.

"Ano? may masamang nangyari sayo?" curious namang tanong ni Nicholo

"Oo, na hold- up sya. buti na lang dumating ako kaya walang nangyaring masama sa kanya" sagot ni Ace

"Sakin ka na sumabay Gab" higit sa kanya ni Nicholo ngunit hindi sya binibitawan ni Ace.

"Pwede ba? bitawan mo na nga sya! sya ang mag de- desisyon kung kanino sya sasabay!" galit na sabi ni Nicholo.

"Ganito na lang. Dahil ayaw nyong mag paawat. Sige, sasakay na ako ng Jeep at sundan nyo na lang yung sinasakyan ko para masigurado nyong ligtas ako. okay ba 'yon? Ang gulo nyong dalawa! Kulang na lang hatiin nyo yung katawan ko!" saad ni Gabbie at agad na kumalas sa pagkakahawak ni Ace.

"Kung yun ang gusto mo, wala kaming magagawa". Tila malungkot namang sabi ni Nicholo

"Kasalanan mo 'to!". singhal ni Nicholo kay Ace

"Ako ang nauna sa'yo kaya ikaw ang may kasalanan!" sisi ni Ace kay Nicholo

Pag kasakay ni Gabbie sa Jeep ay agad na ring sumakay ang dalawa sa kani- kanilang kotse upang sundan ang jeep kung saan naroon si Gabbie.

"Umuwi na kayong dalawa at papasok na ako sa bahay" sabi ni Gabbie dito ng makarating sila sa bahay. Tila nakalimutan nyang boarder nga pala nila si Ace.

"Pano ba yan Pre? Nakauwi na ako kaya umalis ka na". pagtataboy ni Ace sa binata at ipinapaypay pa ang kamay nya dito.

"Dito sya nakatira Nick, boarder namin sya" wika naman ni Gabbie na tila nabasa ang nasa isipan ng kaibigan.

"Boarder nyo? Aba Gab, mag- ingat ka ha? maraming masasamang tao ngayon" nang- aasar na sabi naman ni Nicholo sabay lapit kay Gab upang gawaran ito ng halik sa pisngi.

"Sige na. pumasok ka na. mag- ingat ka ha?" saad ulit ni Nicholo at agad na itong nag lakad patungo sa kotse nya.

Tila nainis naman si Ace sa ginawa ni Nicholo kaya pasimple nya itong binangga sa balikat.