Another Chance for Love

Another Chance for Love Chapter 6

Parang hinahaplos naman ang puso ni Gabbie kapag naaalala nya ang pag liligtas na ginawa sa kanya ng Binatang si Ace. Mukhang si Ace na ata ang iniintay ng kanyang puso para sumugal sya sa pag- ibig.

"Hop in" aya sa kanya ni Ace para sumakay sa kotse nito. Hindi na nag reklamo si Gabbie at agad nang sumakay sa kotse ng binata.

"Simula ngayon, hatid sundo na kita sa trabaho" ma- awatoridad na sabi ni Ace sa dalaga

"pero". angal ni Gabbie.

"oops, No Ifs and No Buts". wika naman ni Ace sabay takip ng hintuturo nyang daliri sa bibig ni Gabbie

"Hindi ko na ulit hahayaan na may mangyari sa'yo. Paano kung hindi pala kita sinundan nung gabing 'yon e di napahamak ka?" may pag- aalalang wika ulit ni Ace habang nagda- drive.

"Hindi na ako bata ano?" pag kontra naman ni Gabbie dito sabay irap.

"May sinabi ba ako na bata ka? Pwede ba 'wag ka na ngang kumontra? pag kumontra ka pa hahalikan na kita" sagot ni Ace kay Gabbie at hindi na nga kumontra ang dalaga dahil sa sinabi nito.

"Aba at ang Manang nating kaibigan naka kotse na" nakatawang sabi ni Angela habang abala sa trabaho.

"May boyfriend na pala ang luka pero hindi pa sinasabi kung hindi pa natin nakita". saad naman ni Emerald

"Sayang nga, hindi kami nakalapit. Sa susunod nga ipakilala mo kami sa nakabihag ng puso mo" natatawa ulit na saad ni Angela.

"Mga Luka, hindi ko yun Boyfriend" singhal nya sa dalawa

"asus. kunwari ka pa. kaya pala inihahatid hindi pala boyfriend. Mabagal na sabi ni Angela. "so anong tawag mo don? Driver lang?" dagdag nito at nag tawanan ang dalawa nyang kaibigan

"Umandar na naman ang pagka chismosa nyo. Mag trabaho na kayo at nakaka destruct kayo sa mga nagta trabaho nang matino"

wika naman ni Gabbie sa dalawa nyang kaibigan. "Mamaya, sa break time tayo mag kwentuhan" dagdag ni Gabbie

Abala si Gabbie sa pag ta- trabaho ng biglang may mag- abot sa kanya ng isang paper bag ng isang sikat na Restaurant.

"May nag pa- pabigay po Ma'am" wika ng Guard kay Gabbie

"Salamat po Manong". sabi naman nya na curious kung kanino galing

Pag buklat nya ng paper bag ay may nakita syang note "Don't skip your miryenda, Eat Well A.G. Love: Ace"

Tila kinilig naman ang dalaga sa pagkaing ipinadala ni Ace dito. 3:30 na ng hapon kaya naman gutom na sya. Nakalimutan na pala nyang mag miryenda dahil super busy sya sa bago nilang project. Saktong sakto naman ang pag dating ng padala ni Ace dahil kumukulo na ang kanyang tyan pero hindi nya magawang iwan ang trabaho. Habang kumakain ay nag ta- trabaho sya at pasimpleng napapangiti.

Pagka out nya sa trabaho ay agad syang nag punta sa isang Restau kung saan mag kikita sila ng kanyang kaibigan na si Nicholo. Nagpa linga linga muna sya upang hanapin kung saan naka pwesto ang kaibigan. Pagkakita nya rito ay agad syang lumapit.

"Hi Nick, anong atin? broken hearted ka na naman ba?" natatawang tanong nya rito. Sabagay, paano ba naman 'to mabo- broken eh sya ang nag papaiyak sa mga babae. Sa itsura pa lang nito. Gwapo, matangkad, matipunong pangangatawan ay talaga namang makalaglag p**ty. Sa katunayan nga marami ang nagkakandarapa sa kanyang kaibigan.

"Ako mabo- broken? Asa ka" mayabang na sagot nya kay Gabbie sabay tawa.

"Eh ano nga?" tanong ulit ni Gabbie dito

"Wala lang na- miss lang kita" sagot ni Nicholo na may tipid na ngiti

"Miss agad? parang di tayo nagkita sa Kasal ni Louise ah" Tatawa tawa namang tugon ni Gabbie. Kamusta na kaya ang buhay may- asawa ng kaibigan nating 'yon? Masyado na syang busy. Hindi na nasagot sa social media". dagdag pa nya.

"Para sa'yo". sabi ni Nicholo sabay abot sa isang paper bag

"Wow, thank you ha? hindi mo talaga ako nakakalimutan" masayang wika ni Gabbie

Lagi syang may pasalubong na chocolates at sapatos mula sa kaibigan sa t'wing mag a- out of town ito para asikasuhin ang branch ng kanilang Kompanya. Maraming beses na syang nabigyan nito mula nung pinag Manage ito sa kanilang Kompanya.

"Alam na alam mo talaga favorite ko" wika ulit nya habang nakangiti at abala sa pag tingin ng laman ng paper bag.

"Sus ikaw pa ba? kaya nga kababata diba? alam lahat" nakangiti ring wika ni Nicholo

"pati nga balat mo sa pwet, alam ko kung san naka pwesto" dagdag nito habang tumatawa ng malakas

"Hooy. Loko ka talaga. pag may nakarinig sa'yo baka akalain nila totoo" sabi nya sabay sapok sa kaibigan at nag tawanan silang dalawa

"Sige na kumain ka na" sabi ni Nicholo dito. "Inorder ko yung paborito mo" dagdag nito

Alam na alam talaga ni Nicholo ang mga paborito nyang pagkain at ganun din naman si Gabbie sa dalawa nyang kababata. Lumaki si Gabbie sa isang Subdivision kung saan kapitbahay nya ang mga ito kaya naman lumaki silang magkakasama. Napa hiwalay lang si Gabbie sa kanila mula nang magkaroon ng ibang pamilya ang kanyang Tatay. Dun na kase sila tumira ng Nanay nya sa paupahang bahay dahil ibinigay na iyon ng Kanyang Tatay sa kanila dahil hindi na nga sila masusuportahan nito. Isa pa doon na titira ang bagong pamilya ng Tatay nya. Ayaw man ng Nanay nyang tanggapin ang bahay ay pumayag na rin dahil sa kanya. Hindi man katulad nila ang buhay ni Gabbie ay hindi 'yun naging problema sa dalawa. Sakatunayan nga ay sya lang ang natirang totoong kaibigan ng mga ito dahil lahat ay kaibigan lang sila dahil sa pera.

Pagkatapos kumain ay inihatid na sya ni Nicholo sa kanilang bahay at nag beso beso pa ang dalawa.

"Sure ka hindi ka na tutuloy?" tanong ni Gabbie sa kababata

"Hindi na, may kaylangan pa akong puntahan" sagot naman nito.

"Sige na, pumasok ka na muna bago ako umalis" saad ulit ni Nicholo habang iginigiya sya nito sa pintuan ng gate.

"Bye, ingat ka ha?" pag papaalam naman ni Gabbie habang kumakaway sa kaibigan. Kindat naman ang isinagot nito sa Kanya na ibig sabihin ay makaka asa sya.

"Wow, may ka date" saad ni Ace dito habang nakangiti na akala mo'y nang- aasar.

Papasok na sana sya sa bahay nang bigla itong sumulpot. Ngiti lang ang tugon nya sa Binata.

"Dinaanan kita kanina sa office nyo pero naka alis ka na" walang emosyong saad ulit ng Binata

"I don't owe any explanation to anyone" mataray na sabi ni Gabbie dito. Nai- inlove na nga ata sya dito kaya kaylangan nyang mag pakita nang magaspang na ugali upang layuan na sya nito dahil kapag nagkataon ay mapapagaya sya sa kanyang Ina. Ang mga lalaki ay manloloko, ningas kugon at higit sa lahat mga walang isang salita. Yan ang ilang mga salita na paulit ulit nyang sinasabi sa sarili nya para hindi mahulog kanino man. kaylangan nyang gumawa ng paraan para mapigilan ang nararamdaman nya para rito.

Agad naman syang hinawakan ni Ace sa braso at tsaka isinandal sya sa pader. Dahan dahan namang inilapit ni Ace ang mukha nya sa dalaga hanggang sa maabot nito ang labi nya. Sa una ay marahan lamang ang pag halik nya sa dalaga at maya- maya lamang ay naging mapusok na ito. Tila may kung anong kuryente naman ang dumaloy sa katawan ni Gabbie na nagbibigay sa kanya ng sari- saring sensasyon nang madama nya ang mainit at malambot na labi ng Binata. Hindi nya maintindihan kung bakit hindi nya magawang kumontra sa ginagawa sa kanya ng binata. Tumagal din ng ilang minuto bago sya bitawan ni Ace. Sya naman ay nag mamadaling pumasok sa bahay deretso ng kanyang kwarto. Hinihingal pa syang napasandal sa likod ng pintuan ng kwarto nya at napahawak sa kanyang mga labi. Bakit tila nagustuhan nya ang ginawang iyon ng binata? Hindi man lang sya kumontra dito. Ni hindi nya magawang sampalin ito pagkatapos syang halikan. Wala syang makapa ni katiting na galit para sa binata.

"Hindi 'to pwede, ayokong mapagaya kay Nanay" sambit nya sa kayang sarili

Kinabukasan ay agad syang pinag buksan ni Ace ng kotse upang ihatid sa Office. Nakaka binging katahimikan ang namagitan sa kanilang dalawa habang nasa byahe.

"Hindi ko pinagsisisihan ang ginawa ko sa'yo." basag ni Ace sa katahimikan nila. Sya naman ay parang walang narinig at patuloy lang sa pagmamasid sa daan dahil hindi nya alam ang sasabihin sa binata.

"Pwede mo akong sampalin kung nagalit ka". saad ulit ng binata.

Agad namang pinalipad ni Gabbie ang kamao nya papunta sa labi ng binata dahilan para dumugo ito.

"Aray" pag daing ni Ace

"Grabe ka naman magalit" dagdag nito sabay hawak sa labing dumudugo.

"Hala, sorry dumugo pala." nag- aalalang sabi ni Gabbie at pagkatapos ay kinuha nya ang panyo sa kanyang bulsa at ipinunas sa labi ng binata.

"Sorry, napalakas pala" sabi nya rito sabay tawa ng malakas.

"Buti nga sa'yo". dagdag pa nya habang nakatawa pa rin.