TRISHA
"PAANO kung naunahan ka niya, ha, Snow?!" Nanggagalaiting tanong ni Marco sa akin habang nasa loob kami ng kotse ni Sofia.
Ako ang nasa driver's seat habang ito naman ang nasa passenger seat. Kanina pa masama ang tingin nito sa akin dahil sa nangyari sa loob ng hospital kanina.
Nang tawagan ko kasi ito kanina para humingi ng tulong kung paano maiilabas ang pekeng doktor na iyon ay kaagad itong dumating para tulungan ako.
Hindi ko alam kung paano niya nagawang ilabas ng hospital ang pekeng doktor na iyon, basta sinabi nitong mauna na akong lumabas at siya na ang bahala sa hayp na iyon.
Hindi naman na ako nakipagtalo dahil alam kong galit talaga ito sa akin kanina pa. At dito ko nga siya hinintay sa kotse ni Sofia. Hindi naman ako natagalang maghintay sa kanya dahil pagkalip
