TRISHA
"PAALIS ka na?" Ang tanong ng kaibigan kong si Sofia nang makasalubong ko ito. Palabas na sana ako sa hideout namin at papasok naman ito.
"Yeah, kailangan ko ng bumalik sa apartment." Sagot ko matapos itong i-beso.
"Kadarating ko lang eh," anito sabay tingin sa suot na relong pambisig bago muling ibinalik ang tingin sa akin. "Maaga pa naman, Sha. Coffee muna tayo."
Hindi na niya ako binigyan ng pagkakataong makatanggi dahil kaagad nitong hinawakan ang braso ko at hinila ako pabalik sa loob. Naiiling na nagpatianod na lamang ako rito.
Habang naglalakad pabalik sa loob ay nakasalubong namin ang mga agent na kasamahan namin. Magkakaagapay na naglalakad ang mga ito, si Marco, Niccolo at Yroh. Walang tulak-kabigin sa mga ito dahil lahat sila ay may taglay na kanya-kanyang karism
