“Angie, anak! Bilisan mo na at narito na si Mory!” nabibihis pa lang siya ng uniporme niya nang marinig niya ang sigaw ng Mama niya mula sa labas ng kwarto niya.
Napabuntong-hininga siya. Wala na siyang excuse para iwasan si Mory. Baka lalo na tuloy siyang mahihirapang itago ang damdamin niya para rito ngayong makakabuwelo na ito sa paglapit at pag-alaga sa kanila ng ipinagbubuntis niya.
“Opo Ma!” napipilitan niyang sagot sa Mama niya.
Hindi rin nakaligtas sa kanya ang biglang pagbabago ng mood ng Mama niya sa kanya. Kung noong nalaman nito na buntis siya ay galit na galit ito at lagi nang nakasimangot sa kanya, ngayong nalaman na nito na si Mory ang ama ng ipinagbubuntis niya ay bigla na itong bumait sa kanya.
“Angie, bakit napakatagal mo?” kunot-noong tanong ng Mama niya paglabas
