CHAPTER 45
Naghihinala na sa kanila si Janna. Dito na niya mapapatunayan kung totoong mahal din siya ni Justine. Hindi si Janna ang magpapatigil sa kaniya. Kung may makakapagpatigil sa ipinaglalaban niya, iyon ay si Justine lang. Ngunit kilala niya ang sarili, alam niyang kahit sabihin ni Justine na wala na sila, pilit pa rin niyang ipaglalaban ang nararamdaman. Nangyari na iyon sa kanila ni Bobby at siguradong mas matindi pa ngayon dahil ramdam niyang mas mahal niya si Justine.
"God! Paano nga pala si Bobby?" naisip niya. Alam niyang nasa Pilipinas na ito at pagbalik niya sa Malakanyang magkikita silang muli. Paano si Justine? Paano si Bobby? Ngayon niya naiintindihan ang pagkaipit ni Justine sa kanila ni Janna. Ganoon nga pala ang pakiramdam. Nakakalito, nakakasira ng ulo.
"Wala kang
