CHAPTER 46
Magkadikit ang mainit nilang katawan. Sa ginawang iyon ni Ralph ay gumaan ang pakiramdam niya. Kahit pa hindi niya matakasang isipin na may kasiping na iba si Justine ay parang kampante siya sa init ng yakap ng kaibigan lalo na ang dumampi ang malalambot nitong labi sa kaniyang noo. Pinilit niyang sundin ang sinabi ni Ralph, si Justine ang ngayon ay kayakap niya. Hanggang sa tuluyan din siyang nakatulog dahil na din sa nainom na alak at ang maghapong pagod nilang dalawa.
Kinabukasan ay ginising siya ng pigil ngunit naririnig niyang tawa ni Janna sa kusina. Madilim pa ang paligid ngunit kailangan nilang umalis ng maaga sa purok para maabutan ang jeep. Wala na si Ralph sa tabi niya. Mabigat ang ulo niya dahil sa nainom nila kagabi. Habang umiinat siya ay nagdadalawang-isip siya
