KINABUKASAN ay nagpaalam muna si Trina kay Daryll na makikipagkita sa kanyang kaibigan. Hindi muna siya sumama sa opisina nito dahil kailangan niyang makipagkita kay Clea. Galit na galit kasi ito sa kanya nang tinawagan niya, kung bakit daw hindi niya ito sinundo sa airport at kahit man lang isang text at tawag ay wala. Ang totoo ay nakalimutan niya rin itong tawagan dahil ilang araw din niyang naiwan sa condo ni Clarence ang kanyang phone.
"Nagpunta ako sa apartment mo pero wala ka na do'n. Where do you live now?" tanong ni Clea sa kanya habang nakaupo sa couch at sumisimsim ng hawak na wine.
Nakaupo naman siya sa taas ng kama.
Nasa loob sila ng kuwarto nito dahil ayaw naman kasi nitong makipagkita sa labas. Hindi raw sila makakapag-usap ng maayos kung sa labas sila magkikita dahil ba
