Pagkalabas ko ng silid ay hindi nakaligtas sa'kin ang pailalim na pagpasada ng tingin ni Tyron sa suot ko.
Bigla tuloy akong nailang dahil pakiramdam ko ay may mapupuna na naman siya. Hanggang tuhod iyong jersey shorts ko at medyo malaki talaga tingnan sa'kin. Okay naman para sa'kin pero ewan ko lang dito sa makakasama ko.
"Si Nanay?" usisa ko nang hindi ko na ito maabutan kasama niya.
"Bumalik na sa bahay," pormal niyang sagot.
"Aalis na ba tayo?" tanong ko upang mabawasan iyong awkwardness sa paligid.
"If you're ready," sagot niya bago tumayo mula sa pagkakaupo at tumigil sa harapan ko. "Shall we?"
Napakurap-kurap ako nang maglahad siya ng kamay sa harapan ko. Bago pa ako makapagdesisyon kung ano ang dapat na gagawin ay siya na mismo ang humawak sa kamay ko sabay hila sa'kin pala
