"Self, kalma lang!" Marahan kong sinampal-sampal ang sarili habang nakaharap sa salamin.
Pagkauwing-pagkauwi namin ni Tyron ay mabilis akong nagpaalam na pupuntahan muna si Nanay pero ang totoo ay gusto ko lang makalayo muna sa kanya upang makahinga nang maayos.
Bigla-bigla kasi ay parang nagkakagulo ang t***k ng puso ko kapag nasa malapit si Tyron. Sa tingin ko ay nagka-crush pa yata ako sa masungit na iyon!
"Hindi pwede!" bigla ay napalakas kong bulalas habang direktang nakatingin sa repleksiyon ko sa salamin.
Agad din akong natigilan at inilapit pang lalo ang mukha sa salamin upang masigurong totoo ba ang nakikita kong namumula iyong pisngi ko.
Parang gusto kong magdabog nang mapagtantong nagba-blush nga talaga ako! Babae pala talaga ako?
Napaigtad ako nang marinig ang mahihina
