Nang makakuha na si Tyron ng mga pagkain ay inaya na niya ako sa kinaroroonan ng mga naka-arrange na mesa.
"Share ba tayo riyan?" tanong ko habang nakasunod sa kanya.
Masyado akong nawindang sa development ng feelings ko para sa kanya kaya hindi na ako nakakuha nang para sa'kin.
"Of course," sagot niya. Siya ang pumili ng mesa para sa amin. Iyong malapit sa pinakamaliit na swimming pool ang pinili niya. May kalayuan din ito sa karamihan pero mula rito ay kitang-kita namin ang mga nagkakasayahan maging iyong mga nagsasayawan.
Matapos ilapag ang bitbit na plato sa mesa ay pinaghila niya pa ako ng upuan. Bago maupo ay may seninyasan siya. Ilang sandali pa ay may lumapit na sa'min at naka-uniform. Tsaka ko lang napagtanto na may iilan ding nakasuot nang katulad ng uniform nito na nagdada
