"Huwag kang maglalapit masyado sa batang iyon," istriktong sabi sa'kin ni Tyron. "Bad influence sa'yo ang isang iyon, dahil mini me iyon ng mommy niya."
"Pamangkin mo iyon," mahinahon kong paalala sa kanya. "At mukha naman siyang mabait."
"Kahit dala-dala niyon ang apelyido ng ama niya ay may dugong Ramirez pa rin iyon kaya sigurado akong hindi iyon kasing bait nang inaakala mo."
"Tito Tyron, Ramirez din po ako!" bigla ay sabat ng isa na namang hindi ko kilalang babae.
Napakurap-kurap akong napatitig sa maamong mukha ng isang babae habang parang anghel na nakangiti kay Tyron.
"Nawala lang ako saglit pero kung sino-sino na ang tumatambay rito sa building ko," salubong ang kilay na bulalas ni Tyron, kulang na lang ay angilan ang bagong dating.
Sa halip na ma-offend sa kagaspangan ng ug
