Nang sulyapan ko ang mukha ni Tyron ay hindi na ito maipinta habang masama ang pagkakatingin sa pamangkin.
"Bye, Tito Tyron, ibabalik ko 'to mamaya," paalam ni Alex sabay hila sa'kin paalis.
Napalingon ako kay Tyron at nakita kong nanatili siyang nakatingin sa'min ng pamangkin niya. Hindi ko mabasa ang ekspresyon sa mukha niya pero malinaw na hindi siya natutuwa sa nangyayari.
Gigil ako sa kanya dahil sa panlalait niya sa'kin sa harapan ng pamangkin niya kaya dinilaan ko siya sabay make face.
Biglang kumabog ang puso ko dahil sa halip na lalo siyang maaburido ay biglang gumuhit sa mga labi niya ang naaaliw na ngiti.
Bigla tuloy akong natigilan at nag-iwas ng tingin. Ang gusto ko ay inisin siya lalo, hindi iyong pangitiin siya!
"Kaano-ano ka pala ni Tito Tyron?" bigla ay tanong sa'ki
