Buong byahe ay hawak ni Tyron ang isa kong kamay. Hindi ko alam kung normal lang ba sa kanya ang ganito dahil sa'kin kasi ay hindi.
Kahit naman sa probinsya ako lumaki ay alam ko na kapag hahawakan ng lalaki ang kamay ng isang babae na hindi niya kadugo ay may ibang kahulugan na iyon.
Malakas ang kutob ko na may gusto sa'kin itong si Tyron pero hindi ko naman siya matanong nang diretso baka bigla akong supalpalin.
Sa talas ng dila ng lalaking ito ay tiyak na paliliguan ako ng mga dahilan kung bakit mali ang inakala ko, at lahat ng mga dahilan na iyon ay ang nakikita niyang kalait-lait sa'kin.
Kapag mag-usisa ako ay ako na naman iyong lalabas na may kasalanan lalo na mukgang komportableng-komportable naman siya habang hawak-hawak ang kamay ko.
Ilang sandali pa at huminto na ang sinasa
