Sumunod na mga araw.
Kasalukuyan akong nag-aalmusal nang marinig ko ang sunod-sunod na pagsigaw ni Arianne sa labas ng bahay ko.
"Beshy! Beshy! Beshyyyy!!! Oh my God! Besh--ugh! A-Aray! Waaaahhh!!!"
Napahagalpak ako ng tawa nang bigla siyang nadapa sa pinto at sumubsob sa sahig. Napahawak ako sa tiyan ko at nanalsik ang ilang kanin na kinakain ko sa bibig ko.
Ganyan ang kinakarma sa kaingayan.
"Anong lasa ng first kiss mo?" tanong ko sa kanya habang hindi pa rin ako matigil sa pagtawa.
"Tse! Wala kang kwentang kaibigan! Nadapa na nga ako eh. Nasaktan na nga ako, tinawanan mo pa ko. Huhuhuhu!" Nagkada-haba ang nguso niya na ngayon ay namumula na at totoo ngang umiiyak na siya.
Kawawa naman. Pinigilan ko ang tawa ko kahit natatawa pa rin ako ng sobra.
"Ano ba kasi 'yon? Pwede naman
