Alliyah Rein's POV
"Ma, masama na naman po ba ang pakiramdam niyo?" Nitong mga nakaraang buwan ay napapansin kong nagiging masasakitin si Mama.
"Naku, wala ito. Napagod lang ako sa dami nang labada ko kanina sa laundry," sagot naman niya habang hinihilot-hilot niya ang sentido niya.
Kaagad kong kinuha sa bag ko ang kabibili ko lamang kanina na white flower oil. Kahit may kamahalan ay bumili talaga ako para kay Mama. Lumapit ako sa kanya, na ngayon ay nakahiga na sa katre namin at naupo sa kanyang ulunan.
"Sinabi ko naman sa inyo na huwag na po muna kayong pumasok eh." Inumpisahan ko nang hilutin ang ulo niya at sentido. "Kumuha na lang muna sila ng ibang taga-laba nila. Magpahinga na lang po muna kayo dito, Ma. Para naman kayong may sampong anak niyan kung maka-trabaho eh. May trabaho
