Alliyah Rein's POV
Halos mapatalon ako sa gulat nang isang sasakyan ang bigla na lamang bumusina sa akin.
"Alliyah!"
Napahinto ako sa paglalakad at sinilip ang driver ng isang kotse na sinasabayan ang paglalakad dito sa kalsada sa kasagsagan ng malakas na ulan.
Sir Yanlee?
"Sir Yanlee!" tawag ko nang makilala ko na siya.
Nagulat ako nang bumukas ang pinto sa driver's seat at lumabas siya na may bitbit ng payong.
"Bakit ka nagpapaulan?" malakas niyang tanong nang tuluyan na siyang makalapit sa akin at kaagad akong pinayungan.
Nagulat din ako nang mabilis niyang hinubad ang suot niyang coat at isinaklob sa katawan ko. Naku naman, nakakahiya!
"Sumabay ka na sa akin. Ihahatid na kita. Saan ka ba pupunta? Baka magkasakit ka niyan." Kaagad niya akong inakay patungo sa kotse niya.
"Nak
