Chapter 6
IBA TALAGA ang epekto ni Drifher sa kanya. Hindi kaya may kakaibang gayuma ang mga mata nito? Hindi na siya tumanggi nang ayain siya nitong sumayaw. Hindi naghihiwalay ang mga mata nila, kahit nang hapitin siya ni Drifher palapit sa katawan nito ay hindi niya nagawang tumanggi man lamang. Nakatingala siya dito nang bahagya kahit pa naka-heels na siya wala iyong silbi.
Marahan ang tugtog. Karamihan sa nasa sentro ay ang mga magkakasintahan. Maraming nakamasid sa kanila na akala mo naroon sila sa isang pelikula. Kung sasabihin nito na gusto siya nito, pipigilan niya talaga ang kasal niya.
Hindi naman siguro masama kung ito ang mapangasawa niya?
Pero, gustuhin naman kaya agad nitong asawahin siya?
Maiksi palang ang pagkakakilala nila, kahit nga yata gusto din siya nit
