ETHAN RAMIREZ
Pabalik na kami ng classroom ni Kurt. Habang tahimik na naglalakad, hindi ko mapigilan na mapatitig sa kanya. Naririnig ko kasi ang malakas nitong pagbuntonghininga. Malakas ang kutob ko na sinasadya niya iyon. Napakapapansin talaga. Nakakairita rin ang mukha nito. Magkasalubong kasi ang kilay nito. Para talaga siyang bata. Dapat sanayin ko na ang sarili ko.
"Ano na naman ba 'yang nasa kukuti mo?" tanong ko. Kumapit pa ako sa braso niya.
Sinamaan niya ako ng tingin. "Bakit mo nginitian si Villa Blanca?"
Napangiti na lang ako. Akala ko wala na iyon sa kanya. Hindi pa rin pala ito nawala sa isipan niya. Bawal na pa lang ngumiti ngayon? Mabait kasi ang tao kaya maayos ang pakikitungo ko rito.
"Ano ba ang gusto mong i-ganti ko sa ngiti niya. Simangot?" sabi ko.
"Kung maaari
