ETHAN RAMIREZ
Pagdating ko sa classroom, wala pa si Kurt. Ang pinagtataka ko, pinadalhan niya ako ng mensahe kanina na papunta na siya rito sa paaralan, kakatapos ko lang maligo niyon at hindi pa ako kumakain ng agahan. Pero bakit wala pa siya? Dapat nga sa sandaling ito ay nandito na siya. Saan na kaya siya? Saan na ang lalaking mahal ko? Tinawagan ko na ito ngunit hindi ko ma-contact. Ang ginawa ko, patingin-tingin na lang ako sa baba mula rito sa balcony ng building namin baka sakaling dumating na siya. Sana.
Minuto ang lumipas, naisipan ko na lang na hintayin si Kurt sa first gate. Nagmadali na akong tumakbo papunta sa aming elevator. Pagdating ko sa harap ng elevator, pinindot ko na ito at naghihintay na lang ako na bumukas ito. Pagbukas nito, isang lalaki ang bumungad sa akin na ma
