♥RIANE♥
Aantok-antok na pumanhik si Riane sa bus na sasakyan nila patungo sa resort na pupuntahan nila ng mga kasamahan niya. Halos lahat ay masisigla at nag-iingay kahit na pasado alas-kuwatro pa lang ng madaling-araw pero siya ay tila lantang gulay na umupo. Hikab siya ng hikab dahil dalawang oras lang ang naitulog niya.
Resulta ng pag-aadik niya sa mga koreana. Kung hindi pa nga siya binuhusan ng Nanay niya ng tubig sa mukha, marahil ay naiwanan na siya. Hindi niya nga maintindihan kung bakit biglaan itong team building nila. Ipinagtaka din ni Mallory 'yun dahil wala naman daw silang ganito last year. Hindi nga rin lahat ng department ay kasama.
Pero ang katwiran ni Mallory siyempre daw dahil hindi naman pwedeng isara ang hotel. Talagang kumuha pa ang management ng ibang receptionist
