Agad kong nilukot ang papel at inihagis iyon at kung saan mang parte ng apartment ko ay hindi ko na alam, basta ang alam ko lang ay nababaliw na ang lalaking iyon! Bakit ba niya ako pinag-tritripan?
Hindi ko alam kung kilala ko siya, lalong hindi ko alam kung anong kailangan niya, ang alam ko lang ay tinatakot niya ako at higit sa lahat ay lalo lang akong nacucurious sa kanya.
Imbis na si Oliver ang patuloy na pumuyat sa akin ay ang walanghiyang lalaking iyon ang hindi nagpatulog sa akin, hanggang sa inabot na ako ng alas otso ng umaga ay nakamulat pa rin ang mga mata ko.
Nakatitig lang ako sa pinto na akala mo adik na kriminal na natatakot mahuli, dahil naka-abang ako at may hawak pa akong kutsilyo, nakaupo ako sa likod ng kama ko at ready kung sakaling bumalik siya at muling pwersahi
