“Pasensya na kung pinag-alala kita kanina.” pagpapaumanhin ko sa kanya habang abala siyang nilalagyan ng hot sauce ang kanyang pizza at saka niya ako inangat ng tingin.
“Ayos lang, nagtaka lang din talaga ako, kasi hindi ka naman madalas mag-react ng ganun kapag may nag-tatakas ng libro.”
Awkward ko lang siyang nginitian at ako naman ngayon ang tumungo sa hawak kong pizza. Kung alam lang niya ang dahilan, mas lalo siyang magtataka, kasi kahit ako mismo ay nagtataka kung bakit hanggang ngayon hindi ko pa rin sinasabi sa kanya.
“Sigurado ka ba talaga na ayos ka lang?” rinig ko ang seryoso tono ng kanyang boses kaya inangat ko siyang muli ng tingin.
“O—oo naman… baka… ano… nasobrahan lang ako ng kape, kaya medyo hyper yung reaksyon ko.” hindi ko alam kung lumalabas ba sa bibig ko ang kasi
