Napatikom ako ng bibig at iniwasan ang mga mata niyang nanunuri. Ayaw ko pa rin siya pagbigyan. Natatakot pa rin ako dahil baka saktan niya lang ako kapag binigyan ko siya ng pagkakataon. Who knows? Paano kung may pinaplano na naman sila ni Preslyn sa akin at masyado na naman akong baliw na baliw sa kaniya? Kawawa naman ako. Hindi ko alam kung saan ako pupulutin. Kung kaya't mas mabuting umiwas na lang kaysa patulan siya.
"Good," naiilang kong sagot dahil sa mga titig niya. Kinagatan ko na lang ulit ang mansanas at sumubo ng kanin. Ang plato ko na lang ang tiningnan ko.
"Nasabi pala ni Sussette sa akin na mayroon kayong restaurant ni Preslyn. Siguro magaling siyang magluto?" I asked. Pilit na ginagawang neutral ang boses ko. Ayaw ko naman kasi magsabi siya riyan na affected pa rin ako sa
