MULA sa sasakyan doon sa basement parking ay bumaba si Luna sa kanyang motor. Kasunod niya ay ang kotseng lulan ni Blaine. Nang makababa ang binata, napalingon siya nang may isa pang pumarada na motor. Agad nakilala ni Luna ang motor na iyon, walang iba kung hindi si Arnel, ang isa rin secret agent na nag-undercover sa Montejo Group na naka-assign sa operations department ng kompanya. Nang nagkatinginan sila ng nagmamaneho ng big bike na iyon ay agad silang nagkaintindihan sa tingin pa lamang.
“Ysabel,” tawag nito sa kanya bagay na hindi niya inaasahan. Ang buong akala ni Luna ay hindi ito kikibo.
“Uy, musta?” bati niya.
“Ayos naman.”
“Isang building tayo nagtatrabaho hindi man lang tayo magkita,” sabi pa nito saka umagapay ng lakad sa kanya.
“Busy sa taas eh,” sagot niya.
“Ay
