“SIR,” bungad ni Luna matapos sagutin ang tawag ng kanyang Commander.
“Natanggap ko ang report mo. Maganda ang binalita mo, ibig sabihin ay unti-unti na tayong nakaka-penetrate sa loob ng Montejo Group. Kunin mo pa ang loob ng mga tauhan ni Blaine Montejo, kunin mo ang tiwala nila. Kunin mo ang loob ni Blaine Montejo. Kailangan natin malaman kung ano eksakto ang mga illegal na activity ng organisasyon nila.”
“Copy, Sir.”
“Another thing, Madrigal. We need you tomorrow for a special mission.”
“Sige po.”
“I sent you the report, tingnan mo ngayon na.”
Agad siyang sumunod at binuksan ang pinadala nito sa kanyang email gamit ang laptop. Nang mabuksan iyon ay tumambad ang isang report tungkol sa mga nawawalang mga kabataan.
“Marami na ang mga nawawalang kabataan. Naalarma na ang g
