“MARIO, dito ka lang muna at magbantay. Kailangan ko muna umuwi sa amin sandali. Babalik din ako agad mamaya,” sabi ni Ysabel.
“Sige, akong bahala.”
“Magsama ka ng ilang tao, bantayan n’yo mabuti si Sir ha?” mahigpit na bilin niya.
“Okay.”
“Tawagan n’yo agad ako kapag may naging problema.”
“Oo.”
Tinapik niya ito sa balikat pagkatapos ay hinintay na makalabas ng opisina si Blaine. Mula doon sa gusali ay nag-convoy sila ng kotse ng binata habang sa isang sasakyan ang mga tao nito at si Luna ay nakasakay sa kanyang all black big bike pauwi sa bahay ng binata. Habang nasa biyahe ay napapansin niya na sa kanya lang nakatingin ito. Nang makarating sa bahay ay bumaba siya saglit mula sa motor.
“Sir Blaine,” tawag niya dito.
“Yes?” tanong nito paglingon sa kanya.
“Aalis po muna ak
