HINDI mapigilan ni Blaine ang mapangiti habang naririnig ang usapan ng mga kasama niya doon sa labas ng pribadong opisina niya. Partikular na si Ysabel habang mahigpit siya nitong binibilin kay Mario at mga tao nila.
“Laging alerto at magmatyag kayong mabuti sa paligid n’yo,” sabi nito sa mga tauhan nila. “Hindi n’yo alam baka may nakasunod na sa inyo na tauhan ng Dragon Empire. Mario, take the lead while I’m out.”
“Okay, Ysabel.”
“Kapag nasa labas na kayo, update me every thirty minutes about your location, sino kasama n’yo at anong ginagawa ni Sir.”
“Thirty minutes?” gulat na tanong ni Mario.
Doon na siya natawa ng tuluyan at napailing.
“Oo, thirty minutes. Kapag wala akong natanggap kahit isang update sa’yo malilintikan ka sa akin pagbalik ko,” banta nito.
“Grabe naman ‘to o
