“THAT Henry Wang sent someone and spy on you. Mukhang natunugan niya ang pagkikita n’yo ni General,” sabi ni Luna pagdating nila sa rest house nito doon sa Tagaytay pagkatapos ay pinakita ang nakuha niyang patch na logo ng Dragon Empire.
“Hindi na ako nagulat,” sagot ni Blaine saka kinuha ang patch at tinignan iyon. “So, what did you do? Did you torture him?”
“Grabe ‘yong torture, hindi ah! Ginasgasan ko lang,” pabirong sagot niya.
Pinaningkitan siya nito ng mata habang hinuhubad ang coat. “Sorry but I don’t trust you when you say that. Dahil iba ang idea mo ng gasgas o daplis, kilala na kita.”
“I swear, mababaw lang. Makakauwi pa ‘yon,” natatawang sagot niya saka lumingon sa paligid nang mapansin na sila lang doon sa loob ng bahay.
“Eh anong gagawin mo dito?” tanong pa ni Blaine a
