NATIGILAN sa paglalakad si Blaine nang mapansin na nakakunot noo si Manang Tessie, at Mario at sinusundan siya ng tingin habang nagpapabalik-balik sa paglalakad.
“Naku, ikaw nga na bata ka ay maupo!” saway ni Manang Tessie saka siya hinila. Napilitan si Blaine na sumunod at umupo. “Bakit ba para kang bulateng inasinan diyan? Hindi ka mapakali,” sermon nito.
Hindi napigilan ni Mario ang matawa. “Manang, baka dahil kay Ysabel.”
Napalingon siya sa mga ito ngunit hindi pa rin sumagot. Tama si Mario. Nasa dalaga nga ang kanyang isip. Kanina nang makauwi galing sa opisina ay agad itong nagsabi na aalis at may pupuntahan. Sa kabila ng sinabi ni Ysabel kanina na hindi ito makikipagkita doon sa kaibigan nitong lalaki, hindi pa rin lubos na matahimik ang binata. Kaya nang hindi makatiis ay saka
