"NASAAN na ba 'yon?" Halos mamuti na ang mata ni Paige sa kahahanap sa kuwentas na regalo pa sa kanya ng kanyang Mommy Maiden noong nabubuhay pa ito. Kulang na lang yata ay baliktarin na niya ang buo niyang silid mahanap lang ang kuwentas.
Mahalaga iyon sa kanya kaya madalas niyang suot.
"Yaya, may nawalis po ba kayong kuwentas sa silid ko? Nawawala po kasi 'yung necklace na regalo pa sa akin ni mommy."
"Wala naman. Pero nakita ko kahapon na lumabas si Marela sa silid mo."
Sa narinig ay agad nagpanting ang tainga niya. Mali-late na siya dahil sa paghahanap sa kuwentas at isa pa ay nakaalis na si Marela kaya sa school na lang niya ito pupuntahan para tanungin tungkol sa nawawala niyang kuwentas
Hindi naman siya nahirapang hanapin si Marela kinatanghalian. Nakikipagtawanan pa ito sa ba
