NASUNDAN ni Keigo ng tingin si Paige ng alalayan itong sumakay ng isang lalaki sa kotse. Nagsalubong ang kanyang kilay sa nakita.
Nag-U-turn siya at sinundan ang kotse. Hindi niya nagustuhan ang ginawang pagsama ni Paige sa lalaki.
Hindi naman lingid sa kanya na maraming lalaki ang nahuhumaling sa kagandahan ni Paige. Ngunit sa abot ng kanyang makakaya ay pinipigilan niya ang sarili na mapabilang sa mga iyon lalo na at sa tuwing magkakadikit ang kanilang mga balat ay tila may kung ano siyang nararamdaman na hindi pa niya nararamdaman sa kahit na sinong babae. Kahit na sa dati niyang girlfriend na si Cara.
Matagal na niyang kinalimutan ang dating nobya. Ginagawa na lang niya iyong excuse kay Paige upang layuan siya nito. At ang kuwentas na suot niya ay regalo sa kanya ni Nashnairah at hi
