MALAPIT na si Paige sa kinapaparadahan ng kanyang kotse ng makasalubong niya si Nashnairah na masama ang tingin sa kanya.
"Akala ko ba seryoso ka noon kay Kuya Keigo? Pero bakit mo siya niloko?" Akusa nito sa kanya.
"A-Anong ibig mong sabihin?"
"Pinagpustahan niyo siya ng mga kaibigan mo at 'wag mo ng itatanggi. Alam mo? Pinaniwala mo kami lalo na si Kuya Keigo na totoo ang lahat ng ipinakita mo. You're such a good actress, Paige."
Napipilan siya. Paanong nalaman ng mga ito ang bagay na iyon? Marahan siyang umiling. "T-Teka lang, Nashnairah. Hindi–I mean, saan mo nalaman? At paanong nalaman ni Keigo?"
Mapait itong napangiti. "Kay Kuya Keigo mo na lang alamin. Noong isang araw pa siyang hindi pumapasok. Kung hindi pa sasabihin ni Kuya Wayne sa amin ay hindi namin ito malalaman."
Napap
