برمجت قلبي

الفصل الثالث عشر

امسك احمد بهاتفه ليعرف فرق التوقيت بين مصر و المانيا و لكنه وجد صورة

و تذكر ماحدث

Flash back

خرج احمد من غرفته و معه حقيبة سفره فاليوم يوم السفر للمهمة و لكنه وجد سيدرا في الممر جالسة علي ركبتيها و منحنية للامام و تضع يديها علي جانبها

احمد لنفسه باستغراب : سيدرا بتعمل ايه دلوقتي و قاعدة كدة ليه اصلا

احمد و هو يتجه اليها : سيدرا سيدرا يا بت انتي

و لكنها لم ترد و عندما اقترب استمع لتأوهات متالمة

احمد بقلق و هو يحدثها : مالك في ايه انتي تعبانة

سيدرا بوجع و دموع : مش قادرة

احمد و هو يهم بحملها : طب استني اود*كي الاوضة و هطلب دكتور

سيدرا : لو سمحت متلمسنيش انا هقوم لوحدي

احمد و هو يبتعد بغضب و لكنه قال بهدوء مستفز و تحدي : لا و الله طب وريني

سيدرا بوجع : اصبر بس

حاولت سيدرا القيام و لكنها لم تستطع من الوجع و قد بدات تداهمها دوخة و اخذت تبكي بقوة من الالم و احساسها بالعجز فهي لا تستطيع الوقوف حتي

احمد : خلاص حاولتي اوعي بقا

و حملها احمد بين زراعيه

سيدرا : انت مجنون بتعمل ايه

احمد : اخرسي خالص و كنتي بتعملي ايه اصلا و انتي تعبانة

ببرائة خ*فت قلب احمد : كنت بشوف جدو كل و اخد الدوا و لا لسة

احمد : بس ده مش شغلك في خدم دي وظيفتهم بعدين انتي اصلا تعبانة مفروض متتحركيش

سيدرا : اهو اللي حصل بقا و بعدين انا مش متعودة اعد ياما

احمد : طب معلش اهو وصلنا الاوضة افتحي الباب

و فتحت سيدرا الباب و وضعها احمد علي السرير و وجد (التيشرت ) به دماء مكان الجرح

احمد : جرحك بينزف جامد اوعي اغيرلك عليه

سيدرا : اوعي حضرتك و متنساش اني دكتورة

احمد : تمام دكتورة مش حاوي هتغيري لنفسك ازاي الجرح قريب من ضهرك اصلا

سيدرا : ملكش دعوة انا هتصرف

احمد : كدة

سيدرا :اه و اتفضل اطلع برا

امسك احمد اخر التيشرت و مزقه

سيدرا : انت قليل الا

و لكن ضغط احمد علي الشريان الرئيسي برقبتها ففقدت الوعي

و طهر لها الجرح و البسها تيشرته بدلا من ملابسها التي مزقها و جلس يتأمل بها و فتح عينها بيده ليعرف لونها

احمد و هو ينظر في عينها : انتي عملتي ايه فيا بس من نظرة واحدة و بعدين انتي لونك اي مش معروف

و في هذه اللحظة رن هاتفه و كان حمزة

احمد بهيام : ايوة يا زفت

حمزة : مالك ياد ماتظبط كدة

احمد بانتباه : معاك يا عم في ايه

حمزة : في اني مستني سيادتك بقالي ساعة و سيادتك مانزلتش

احمد بتأفف : خلاص جاي جاي

و اغلق المكالمة

احمد : لا دي هتحتاج وقت انا اصورها و افكر براحتي

و قام بتصويرها و نزل لحمزة

Back

احمد لنفسه و هو ينظر للصورة : دي بقا لونها ايه رمادي ، لأ ،طب زرقة |، برضه لأ ، طب فيروزي أوف بقا ايه مالهاش لون

: اوف ايه العيون الجاحدة دي يابو حميد

و كان هذا مهاب الذي افاق احمد علي صوته

اغلق احمد شاشة الهاتف سريعا : مفيش حاجة مفيش ، و اكمل لنفسه : هي فعلا جاحدة

عند حمزة و حبيبة :

حمزة ليغيظ حبيبة :بس حلوة سيدرا يا بخت احمد بيها

حبيبة ببرود رسمته علي وجهها باحترافية : طالما عجباك مقولتليش ليه كنت جوزتهالك

حمزة بغيظ خفي : ايه ده بجد يا خسارة كنتي قولتي من الاول

حبيبة بغضب لا تعرف سببه : خيرها فغيرها يا برنس

حمزة : تمام تمام عندك حق

و اخذ حمزة يعا** المضيفات و يتكلم معهم و يضحك ليثير حنق حبيبة و لكنها كانت تصتنع البرود و اللامبالاة رغم احتراقها الداخلي و هذا ماكان يشعره بالحنق

حبيبة بلا مبالاة مصطنعة : تحب اجيبها تعد مكاني

حمزة : هي مين

حبيبة : المضيفة اللي هناك دي

حمزة : ياريت

حبيبة : نعم

حمزة : بس بلاش عشان مسببلهاش مشاكل و بعدين انتي مضايقة ليه تكونيش بتغيري عليا

حببة : اغير علي مين يا بابا انت واخد قلم فنفسك علي فكرة و خليك فحالك بقا المفروض انك متعرفنيش

حمزة ببرود :اهدي شوية

حببة : انا مبكرهش فحياتي قد الكلمة دي تمام

حمزة : خلاص تمام

حبيبة : جتها نيلة اللي عايزة من خلفتك اتنين

حمزة : انتي قولتي ايه

حبيبة ببطء : قولت جتها نيلة اللي عايزة من خلفتك اتنيين

حمزة بتوعد :و ربنا لوريك

حبيبة : لوحدك و لا محتاج مساعدة

نظر لها حمزة بغضب قابلت حبيبة النظرة باستفزاز

Московский международный аэропорт сообщает о прибытии рейса 7526 из Берлина, коридор № 3.

(يعلن مطار موسكو الدولي عن وصول الطائرة رقم ٧٥٢٦ القادمة من برلين في ممر رقم 3)

و فجأة افترقت حبيبة عن الفريق و وجد حمزة هاتفه يرن (جماعة معاهم خطوط روسي حبيبة مأمناها كويس )

و كان مسجل بحبيبة و رد سريعا

حمزة : الو حبيبة انتي فين

حبيبة : مينفعش حد يعرف اني معاكم اطلعوا دلوقتي هتلاقوا تا**ي اركبوه تمام انا عارفة المكان اللي انتو حدتتوه و انا هسبقكم علي هناك باي ، و اغلقت المكالمة

حمزة بعصبية :انا مش عارف مين فينا اللي عامل الخطة شغلها متدخلناش و مرضناش نعمل اي حاجة لكن لحد هنا و كفاية احنا كنا بنطلع من غيرها عادي اول مانروح المكان انا هتكلم معاها يالا نطلع

احمد : طب في ايه

حمزة : اعرفوا لما نوصل ،و خرجوا من المطار وجدوا تا**ي و ركبوا و لكن المفاجأة ان سائق التا**ي كان حبيبة

حبيبة : حمدلله علي السلامة

مهاب : يخربيتك انتي بتعملي ايه هنا

حبيبة : ايه احنا مش سوا فالمهمة دي و لا ايه

حمزة بتهكم : طب كويس انك عارفة

عمر : انتي كنتي فين اليومين اللي فاتوا

حبيبة : بتفسح

حمزة : نعم

حبيبة :امال انتو فاكرين الحاجات دي كلها اتعملت ازاي يعني انا بقالي يومين برا مصر اصلا

احمد : امال احنا هنعمل ايه فالمهمة دي معلش

حبيبة : هتجيبوا المعلومات من المقر عقبال ماكون خلصت اللي جاية عشانه

حمزة بتوجس : و انتي جاية عشان ايه

حبيبة بغموض : كل حاجة لما تتعرف فوقتها تبقي احلا

حمزة : انا بكره غموضك ده

حبيبة : يبقا متسألش كتير و انسي اي حاجة قالها مراد

حمزة : لا طبعا دانا اتخلي عن المهمة و ماتخلاش عن الحاجة دي

حبيبة : هنشوف

احمد : هو في ايه و ايه اللي قالهولك مراد باشا

حبيبة : هو عارف و بلاش تسأل يا احمد عشان انا اليومين دول اهم يومين فحياتي و مش من حق اي حد يعرف عنهم ادني معلومة صغيرة و اللي هيقف قصادي هيبقا فخبر كان تمام

مهاب بخوف من حبيبة التي امامه : تمام يباشا

عمر : تمام بس انا مستغربك الصراحة

نظر احمد لها و لحمزة بتساؤل و لكنهما تجاهلوا نظراته

حبيبة : يالا وصلنا المكان ده اللي هنيجي فيه لو حصل اي حاجة و الخطوط اللي معاكم انا مأمناها كويس يالا ننزل

و نزل الجميع و دخلوا اللي المكان

حبيبة : خشوا استريحوا لو عايزين و هتلاقوا اكل و انا ورايا شغل

حمزة : شغل ايه

حبيبة : ازاي نعرف نجيب ديفيد من غير مانتقفش ، و ذهبت لغرفتها و استحمت و ارتدت هوت شورت زيتي و توب ابيض و جاكت جيل جملي طويل

نظر لها حمزة بضيق من ملابسها و **ت

مهاب :انتي مش سقعانة

حبيبة ببرود : و اسقع ليه مانا لابسه جاكت اهو

حمزة بهمس لنفسه : علي الاساس انه ساتر حاجة

حبيبة : بتقول حاجة يا حمزة

حمزة بابتسامه صفراء : بكح

حبيبة : الف سلامه انتو هتناموا و لا هتفضلوا قاعدين

الجميع : لأ هنفضل قاعدين

حبيبة : ماشي بلاش صداع بقا عشان هشتغل

حمزة : انتي يا بت ايه التناكة اللي انتي فيها دي

حبيبة برفعة حاجب : نعم يعني انا تربية مراد الالفي و علي الاسيوطي و اللي هيقولي كلمة هرد عليه بعشرة ، و اكملت بابتسامة صفرا : و يا ريت تخليك فحالك

و ذهب لمكانها المفضل و جلست عليه و اخذت اللاب و عملت عليه بتركيز شديد

بعد مرور ساعتين

حبيبة : انا هشرب نسكافيه حد يشرب معايا

عمر : ماشي

احمد : تمام

حمزة : ماشي

مهاب :اللي تنستري

نظرت له حبيبة بق*ف و اعدت النسكافيه و

حبيبة : اتفضلوا ابقوا حطوا انتو سكر عشان معرفتش احطلكوا اد ايه

و ذهبت للثلاجة و فتحتها و كانت مليئة بالشوكولاتة و اخذت عبوة و اغلقتها مرة اخري

احمد : كل دي شوكولاتة

حبيبة : بحبها يا عم ايه ماكولش و بعدين حذاري الاقي واحدة بس مفقودة سعتها لو عرفت مين اللي عمل كدة هقطعه قطع و الفه فكياس و اودي كل كيسة لدولة شكل

مهاب: يا ساتر يا رب طب واحدة بس

حبيبة : اطلب بس و انا هد*ك انا جيبالكوا تشوكلت معايا بس اللي هيقل معايا هقل معاه

حمزة : طفلة اوي كل ده عشان شوكولاتة

حبيبة : و مالها الشوكولاتة بقا لامؤاخذة كدا دانا مثلي الاعلي ويلي وانكا

حمزة : ويل ايه

حبيبة ببطئ : و يلي وانكا ايه ماتعرفوش

حمزة :ماحصليش الارف و الله

حبيبة : طب خليك فنفسك بقا ، و ذهبت مرة اخري لمقعدها و شربت النسكافيه و اكلت الشوكولاتة و اكملت عمل

بعد مرور ساعتين

مهاب: حبيبة

حبيبة : اممم

مهاب :حبيبة

حبيبة : امممم

مهاب :حبيبة

حبيبة بعصبية : عايز ايه يا زفت

مهاب :زفت

حبيبة : اخلص

مهاب: هو احنا مش هناكل فام البيت ده

حبيبة :" عندكوا الاكل فالتلاجة حطوه فالمايكرويف انا جبت اكل جاهز و في اكل لو مش عايزين اكل من برة و حل عني بقا عشان بجد مركزة

عمر : مش هتاكلي

حبيبة بلا مبالاة : لا مليش نفس

قاموا و اكلوا و حل المساء

حمزة : احنا هنام انتي مش هتنامي

حبيبة بعدم تركيز في كلامه : لا لسة ورايا شغل

حمزة : طب مش هتاكلي انتي مكلتيش من الصبح

حبيبة : شكرا مش عايزة اكل

حمزة : بس

قاطعته حبيبة : مفيش بس

نظر الجميع لبعض بحيرة ثم ذهبوا لغرفهم

و جلست حبيبة طوال الليل تعمل و لم تأكل او تنم و كانت تشرب الكثير من القهوة و النسكافيه

في الصباح :

استيقظ الجميع و خرجوا من غرفهم بعد استحمامهم وجدوا حبيبة كما هي تعمل و امامها الكثير من اكوب القهوة و النسكافيه

احمد : انتي لسة مانمتيش

حبيبة : لسة

حمزة : كل ده قهوة انتي كدة هتتعبي

حبيبة باجهاد لم تظهره : لأ مش هتعب روحوا كلوا انا عملتلكوا فطار

عمر: مش هتاكلي

حبيبة : مركزة دلوقتي كمان شوية اكل

مهاب بجدية و تظهر نادرا : حبيبة مينفعش كدة بجد انتي مش خايفة علي نفسك

حبيبة بزعيق وعصبية:ماخلاص بقا هو ايه انا ادري بحالي يا عم مالكوش دعوة بقا

ايه اللي هيحصل فالمهمة ده اللي هنعرفه فالفصول الجاية من برمجت قلبي

دمتم في حفظ الله

By Habeba Elsyd