برمجت قلبي

الفصل السابع

حمزة بحدة : ايه ده انزلي

حبيبة : و انزل ليه في شنط تانية

حمزة : معاكي اربع تران و انتي اللي هتسوقي

حبيبة بسخرية : وزة مش هترضي و بعدين انت مش قولت مفيش بنات

حمزة : و انت جاية بوزك و بطك معانا ليه

حبيبة : لا تغلط فوزة هزعل و اجيب ناس تزعل

جذبها حمزة من زراعها: اوعي بس انزلي ،و ركب مكانها ولكنه ....

حمزة : ايه ده

حبيبة : ايه

حمزة : هي الدر**يون لازق فيا ليه

حبيبة : مانتا عملاق و انا عاملة الحجات قريبة عشان مبطولش

حمزة : عشان اوزعة بس برضه انا اللي هسوق

نظرت له حبيبة بسخرية و استهزاء

حبيبة باستمتاع: ادينا قاعدين

حاول تشغيل السيارة و لكنها لم تدور

مهاب : ماتخلص يا عم ايه

حمزة : ماهي مش راضية تدور

احمد : ماهي كانت زي الفل مع البت

حبيبة : انا قولت وزة مش هترضي اصيلة برضه انزل يا شبح بقا

حمزة برفعة حاجب لاحمد : انزل و اركب ورا

مهاب و عمر فنفس واحد : احنا هنتزنق ياعم داحنا طايقين بعض بالعافية و قولنا حبيبة سفيفة مش هتضايقنا تيجو انتوا لأ و الف لأ

و نزل احمد ركب بالخلف و ركب الحمزة بجانب حبيبة و ركبت حبيبة السيارة و ...

حبيبة : يالا يا وزة

خرجت شاشة صغيرة من مقود السيارة و ضعت حبيبة اصبعها و تم اخذ ب**ة اصبعها و دارت السيارة

نظر لها الجميع بصدمة

حبيبة : العربية مبتشتغلش غير بصوتي و ب**تي

مهاب : ايوا يا جاحدة

و ذهبوا في طريقهم الي الاقصر وصلوا في الصباح

و كان جميع من في البلد ينتظرهم فعائلة احمد من اكبر عائلات الاقصر و جده يكون نائب بمجلس الشعب و رئيس المجلس العرفي و اعمامه لديهم شركات كثيرة و يدير احمد الشركة الموجودة بالقاهرة

مال حمزة علي حبيبة : اقفلي الجاكت التيشرت مفتوح و في رجالة ياما

نظرت له حبيبة من فوق لتحت و عدلت الكاب و فتحت الباب و نزلت

رحب الجميع بهم بطريقة الصعيد (ض*ب نار و احضان و بوس لازم اربع بوسات و خدوا بالكوا منها و كل ماتزيد المحبة يزيد العدد ??)

اعتقد الجميع حبيبة من ملابسها انها رجل و جاء رجال ليرحبوا بها فسحبها حمزة خلف ظهره

حمزة بابتسامكة صفرة : الانسة مبتسلمش

ذهب الجميع لغرفهم مع صدمة الجميع انها فتاة

ناموا و استيقظوا مع صلاة العصر و ارتدت حبيبة بنطلون جينز ضيق و تيشرت ابيض و جاكت جيل كحلي

ارسل لهم الجد لتناول الطعام (حبيبة بتتعامل مع الكل بمرح مع احتقان جد احمد من تصرفاتها فهو رجل شديد الصرامة و يتمسك بالعادات و التقاليد و عنده المرأة لا تظهر للعلن)

علي طاولة الطعام لاحظت حبيبة انه لا يوجد سيدات غيرها حتي من جلبوا الطعام من الغفر

حبيبة و هي تهمس لمهاب : ايه يا برنس هو مفيش ستات هنا غيري و لا ايه

مهاب : احمدي ربنا ان جد احمد مطخكيش لحد دلوقتي انا حاسس ان الراجل بيطلع نار من ودنه خفي شوية

احمد : يالا هوريكوا تتفسحوا ازاي فلقصر

اماء له الجميع و خرجوا سويا و ركبوا خيل و ركبوا المراكب السياحية الموجودة بالنيل

حبيبة : انا عايزة اركب مركب شراعية

احمد : تمام تعالوا

و بعد كثيرا من الوقت من مشاهدة الاثار

حبيبة : بجد يوم ممتع اوي صدق اللي قال مصر جميلة

مهاب : عشان تعرفي بس

و رجع الجميع و هم يتضاحكون و نسوا ما فعلته حبيبة و كانوا يتمايلون علي بعض من كثرة الضحك

حبيبة بمرح : هقولكوا نكتة مرة واحد فكهاني و واحد ربط هاني هههههه

احمد : ابوا سئالتك يا شيخة

و كان الجد (بدر )يجلس في ما يسمي بالمندرة

بدر بصوت جهوري: احممممد تعالي عايزك

احمد : روحوا انتوا و انا هشوف جدو عايز ايه

الجميع : تمام

و ذهب احمد لجده

احمد باحترام : ايه يا جدو

بدر : يعني انت شايف اللي بيحصل ده صح ينفع كدة

احمد : ايه اللي حصل بس

بدر : البت اللي معاكوا في كل حته علي اخر الزمن الناس تتكلم علينا يا تمشي يا تعد مع الحريم مش ناقصة هي

احمد : حاضر يا جدو

هاتف احمد مهاب و حمزة و عمر و اخبرهم ان ينزلوا له في حديقة القصر

قص لهم احمد ما حدث

احمد : انا محرج اقولها الصراحة هنعمل ايه

عمر : مهاب يقولها بطريقة غير مباشرة

احمد : ده اهبل هيروح يقولها اللي حصل قولها انت يا عمر

مهاب :حبيبي يا غالي

عمر : لا يا عم

حمزة : خلاص انا هقولها

الجميع : و حياة امك بلاش تزعلها

حمزة :" يا حنينين

وذهب الجميع وراء حمزة و تخفوا ليروا ما سيحدث دق حمزة علي باب غرفة حبيبة

حبيبة : مين

حمزة : انا حمزة

حبيبة : ادخل

دخل و كانت تجلس علي السرير مربعة قدميها و تعمل علي اللاب توب و ترتدي جمب سوت زيتي بدون أكمام و قصيرة

حبيبة : خش يا حمزة

حمزة : دخلت بصي في موضوع هكلمك فيه

تركت حبيبة اللاب

حببة : اتكلم

حمزة : بصي انتي لازم تعدي مع الستات عشان احمد جده عامله مشاكل

حبيبة ببراءة: مفيش مشاكل يا عم دانا لسة سائلة مهاب انهاردة الستات فين

حمزة : الستات فالبيت التاني

حبيبة : طب مقعدني هنا ليه خلاص هروح بكرة اكون شلت حاجتي من هنا

حمزة : ماشي تصبحي علي خير

و خرج و هو مندهش من ردة فعلها و قص لهم ما حدث اندهش الجميع من ردة فعلها

في الصباح هاتف احمد حبيبة لينقلها للمنزل الاخر

حبيبة : الو يا احمد

احمد : الو يالا عشان تروح البيت التاني و بعدين نتفسح

حبيبة : لا مانا روحت روحوا انتوا اتفسحوا انا مش فاضيالكوا و اغلقت المكالمة

احمد للباقي : هروح اشوفها لتكون زعلت

عندما سأل عنها علم انها جالسة مع بنات عمه في الغيط وراء المنزل ذهب و رأي ما ادهشه فكانت حبيبة ترتدي حلبية ذات ورود و ترتدي على رأسها ايشارب فلاحي

و كانت تأكل قصب و تضحك مع الفتيات فالتقط لها صورة و فيديو ثم عاد الهم

حمزة : ها فينها

احمد :لا مش فاضية

مهاب : اوعي تكون زعلت

احمد : اه زعلت اوي حتي شوفوا

و اراهم الفيديو

عمر : البت دي فظيعة يا جدع مفيش حد مبيحبهاش

حمزة : هات كدة ، و ارسل لنفسه الصورة و الفيديو و مسحهم من هاتف احمد و كان يشعر بالغيرة الشديدة و لا يجد مبرر لها و ذهبوا ليخرجوا

اليوم التالي و كان يوم الحنة

كان الشباب يجلسون بالمندرة و يتناولون الشاي و جاءت ابنه عم احمد الصغيرة ذات العشر اعوام

شمس : ابيه احمد ابيه احمد جبتلي شوكولاته

احمد :طبعا اقدر اتاخر علي شموسة

شمس : احلي حاجة فحبيبة انها بتجبلي شوكولاتة من غير ماقولها دي حتي قبل ماتروح ترقص ادتني شوكولاتةكبيرة

الجميع بصدمة : بترررقص

شمس : اه دي مولعاها

جري الجميع ليروا مايحدث و ادخلهم احمد من مكان معين ليروا منه مايحدث دون ان يراهم احد

كانت حبيبة ترتدي جيبة كحلي بها ورود و الوان متداخلة قصيرة و توب نبيتي بأكمام ضيق

و ترقص بمهارة تفاجاوا بها و كانت الاغنية (عم يا صياد و عود البطل)

مهاب : يا صلاة العيد

حمزة بعصبية : يالا احسن حد يشوفنا

عمر : لا و النبي استني شوية

حمزة : حتي انت روح بدل ماتصل علي سارة و هنادي علي جدك يا احمد

عمر : لا يا عم خلاص

خرجوا و ارسسل لها حمزة رسالة (لمي نفسك و اتهدي شوية )

اليوم التالي (الفرح)

كان الجميع مشغول في استعدادات الفرح و الولائم و في المساء و ياتي العريس لياخذ العروسة و رأوا حبيبة و كانت العروسة تعانقها و تبكي و تشكرها كثيرا

احمد بحنان و هو يقبل جبين اخته : كبرتي يا بسبس اوعي ياض تزعلها

العريس : ماقدرش طبعا دي حبيبتي و بعدين دي اخت البطل و كان ينظر الجميع لحبيبة بانبهار كانت ترتدي فستان رقيق ازرق به ورود كثيرة بدون أكمام يصل لركبتيها و ضعرها مناسب خلفها بروعة ادهشت الجميع و خصوصا هذا الذي احترق من الغيرة عندما وصلت له فكرة ان الجميع يراها بهذا الجمال

و كان الفرح رائع و لم يخلوا الامر من مرح حبيبة

اليوم التالي (قبل السفر بيوم )

ذهبوا لرحلة صيد دون حبيبة و رجعوا وجدوا انه يوجد رجال كثيرون بالمندرة و حول المنزل و يقف الغفر بالاسلحة

حمزة بتساؤل : هو فيه ايه

احمد : اكيد قعدة صلح فمجلس العرف بتاع جدي

مهاب :ماتيجي نتف*ج

احمد بثقة:لا جدي مبيحبش حد يقعد معاه و لا يتكلم و هنا سمع الجميع ضحكة حبيبة

حمزة : الصوت ده مش غريب عليا

عمر : ده صوت حبيبة

احمد : يلهوي ده جدي هيطخها

جري الجميع ليشاهدوا مايحدث و يجدوا حبيبة ترتدي بنطلون جينز و توب ابيض و بليزر زيتي

و تجلس بجانب الجد بدر و ...

بدر : ايه رائيك يا حبيبة

حبيبة : مش عارفة و الله يا حاج بدر الموضوع في ان بص حد يجبلي اللاب بتاعي و انا اجبلك اصل الحوار

بدر : هاتوا اللاب بتاع حبيبة

الفريق في صدمة : هااااه

جلبوا اللاب بتاع حبيبة و عملت عليه و بعد عشر دقائق

حبيبة : طب بص بقا الراجل ده كذاب و هيتغرم مجاتلوش مكلمات فاليوم اللي قال عليه اصلا مش هقولك فالساعة

الرجل : لا اصل كان علي التلفون بتاع ابني

تفاجأ الرجل بحبيبة تقول له اسم ابنه و رقم هاتفه

حبيبة : واضح ان ابنك نتن و عليه فاتورة متدفعتش و خطه واقف

الرجل بتعلثم: و عرفتي ده كله منين

بدر : و انتي رايك ايه يا حبيبة

حبيبة : الراجل ده يتغرم بفدان ارض و لو مدفعش هنكشمحوه و الشباب اهيه (تشير علي احمد و البقية )هتكشمحه و تروقه كمان

و يفض الجد المجلس و يحكم كما حكمت حبيبة

بعدما غادر الجميع و الجد يقول

بدر : و الله عفارم عليكي يا بيبو

حبيبة : عيب عليك يا بيدو هروح انا بقا عشان احضر شنتطتي

بدر : و الله هتوحشيني

حبيبة : و انت و الله هبقا اجيلك و لينا مقابلة تانية فالقاهرة انت وعدتني و لا بيدو هيخلف وعده

بدر : لا طبعا و انا اقدر

حبيبة : يالا انا طالعة و هبقا استناك انا و مراد

بدر : ماشي

و ذهبت

احمد بهمس : انا عمري ماشوفت جدي كدة و انا اللي قولت المرات اللي فاتت فهمناها غلط انا مش عارف في ايه اللي يشوف شكلها ميقولش انها كدة خالص

نظروا له الجميع بضيق و لم يردوا و كان يشعر حمزة و كأنه يحترق

في المساء كانوا يجلسون في المندرة و رن هاتف حبيبة و كانت حبيبة تجلس بعيدا هي و الجد يعملون علي اللاب و ...

ايه اللي هيحصل و تعاملهم مع حبيبة هيبقى ازاي طب هيوجهوها و لا ايه ده اللي هنعرفه فالفصول الجاية من برمجت قلبي

دمتم في حفظ الله

By Habeba Elsyd