برمجت قلبي

الفصل الحادي عشر

حبيبة : انا هروح لمراد هقوله حاجة و اجي استنوني هنا

حمزة : بسرعة ياريت

حبيبة : مش عايز تستناني امشي محدش جبرك و لا يكون حد مكلفك بحمايتي ، و قالت الاخيرة باستهزاء

حمزة بتوعد : لا اتفضلي

و ذهبت حبيبة بعد ان رمقته بق*ف وهو بغضب و ذهول

حبيبة : مراد بص

مراد : ايه يا بيبو

حبيبة : انا هروح اشوف سيدرا و احتمال ابات معاها انهاردة

مراد : ماشي يا حبيبة عشان انا عارف غلاوة سيدرا عندك بس

حبيبة :شكرا يا ميمو و خلي حمزة يحل عني و هو مش هيقدر يحميني من اللي انا ناوية ليه

مراد : حبيبة بلاش انا مش مستغني عنك انتي كمان

حبيبة: متقلقش بس انا مش هتنازل

مراد : بلاش يا حبيبة

حبيبة : مراد بلاش تضايقني اه يوم الخميس هنسافر شرم هدربهم علي الغطس

مراد : براحتك يا حبيبة انا تعبت منك

حبيبة بدموع مكبوتة : هانت صدقني انا ماشية

و خرجت قبل ان تسقط دموعها و وصلت المكتب و مسحت دموعها قبل ان تدلف

حبيبة : يالا

حمزة : انتي كنتي بتعيطي

حبيبة : لا طبعا بس في تراب دخل فعيني

حمزة : المفروض اصدق

حبيبة : و لا متصدقش انت حر ، احمد معلش هتقل عليك هاجي معاك لسيدرا اتطمن عليها عشان مش هتعرف تنام انا متاكدة من كدة

احمد : لا عادي مفيش مشكلة البيت بيتك

حبيبة : شكرا يا احمد انا عارفة حالتك كويس متقلقش حقه هيوصل

احمد : متنسيش انا صعيدي و ده تار

حبيبة بغموض : ان شاء الله

حمزة لنفسه : ناوية علي ايه يا حبيبة ذهب الجميع الي منزل احمد

حبيبة : سووووو

سيدرا : تعالي يا بيبو

بدر : ههههه ضحكتيني و انا مليش نفس اضحك يا حبيبة

حبيبة بمرح لتخفف عنه : يا سيدي روق و بعدين ايه حبيبة دي خلي البساط احمدي ??

حبيبة بجدية : سيدرا خدتي الدوا

سيدرا : احم بصراحة لسة نسيت و انتي اهو فكرتيني

حبيبة بحدة افزعتهم : نعم يا روح ماما يعني ايه ده ان شاء الله قومي قدامي يا بت علي فوق عشان انتي مش هتيجي غير بالسك علي نافوخك

سيدرا : سلام قول من رب رحيم الحقني يا جدو دي هتكولني

بدر : عندها حق ده عشان صحتك ، منورة يا بيبو و الله

حبيبة : منورة ايه بس و بتقوله صعايدة قال اما في شفشق عصير عدي عليا او حد جه و قالي منك لله حتي

ضحك الجميع

حبيبة : يالا يا سيدرا علي فوق

سيدرا : ماشي هو انتي هتمشي

حبيبة : لا يا حبيبتي متقلقيش هفضل معاكل معلش يا احمد

احمد : لا و لا يهمك في ايه

و اسندت حبيبة سيدرا حتي الغرفة

في الغرفة :

سيدرا : حبيبة انا خايفة

حبيبة : من ايه بس طب تيجي تعدي عندي

سيدرا :هتفرق ايه ماخلاص اتجوزته

حبيبة : دي احسن حاجة فالموضوع انا عارفة احمد و عيلته كويس ناس بجد طيبة و انا مش هفضل قاعدة هنا انا خلاص فاضلي اقل من شهر و ارجع و المرادي احتمال منزلش تاني و اصلا مش عارفة هرجع و لا لأ

يدرا بخوف : انتي بتقولي كدة ليه و النبي يا حبيبة بلاش

حبيبة بتهرب : خدي الدوا بقا و متوجعيش قلبي

بعد ساعتين من الاحاديث نامت سيدرا و حبيبة

اليوم التالي تجهز الجميع للسفر و بعدما وصلوا

حبيبة : ها جاهزين اشباب

الجميع :جاهزين

حبيبة : هروح انا و احمد عشان يجيب معايا المعدات و نيجي

و ذهبت مع احمد و بعد قليل عادوا

حبيبة في الهاتف : ايوة يا عم سيد اليخت جهز

سعيد : ايوة يا بنتي

حبيبة بايجاز : تمام جايين

حبيبة : يالا خلاص هنروح و ذهبوا الي اليخت و كان رائع بحق

مهاب : ممكن بعد ماخلص المهمة شهر العسل يبقا هنا و اهو يبقا زيتنا فدقيقنا ??

حبيبة : لو رجعنا كويسين و نجحنا اوعدك هحل الموضوع ده

حمزة : احنا في اه و لا فايه

مهاب : قطاع ارزاق انت

حبيبة :خلاص يا شبح يالا الاول هشرح نظري عشان لما ننزل يكون سهل

و بعد ساعتين من شرح حبيبة و تركيب الادوات نزل الجميع المياه و بدأت حبيبة بتعليمهم كيفية التحكم بالتنفس تحت الماء باحترافية

علي اليخت

مهاب : ايه يا حبيبة انتي كنتي سمكة و انتي صغيرة

حبيبة ??: من ضمن تدريباتي و انا صغيرة كانوا بيحطوني فانابيب و براميل فيها مية و المطلوب مني اني اخرج فوقت معين و بعدين انا بغطس فالمحيط مش هغطس فالبحر

عمر باعجاب : لأ بس بجد صغيرة علي كل ده

حبيبة و هي تنظر لحمزة : الظروف زمان حكمت بكدة و مع ذلك لسةفي ناس مقلقة و بدور ورايا و شاكة فقدراتي يالا الغدا

و بعد ثلاث ايام علمتهم حبيبة الغوص عادوا علي الجهاز

حسن : ها يا فهود جاهزين بعد يومين

حمزة : ان شاء الله يا فندم

مهاب : امال فين حبيبة

حسن : انسوها اليومين دول هتقابلكوا فالمطار

احمد : هي كويسة

حسن :تمام عندها مهمة تانية

نظر الجميع له باستنكار

حمزة : طب هنسافر بشخصياتنا دي اكيد لأ

حسن : حبيبة هتتصرف

خرجوا من المكتب

حمزة : احمد اتصل بسيدرا تقولك حبيبة فين

احمد : اتصل ازاي دي مبتكلمنيش اكني جربان

عمر : يا عيني عالرجالة

مهاب : اذا كان احمد الفهد الكبير بيتعمل فيه كدة

احمد ??ج: ماتتلم ياد منك ليه انتوا عارفين اتجوزنا ازاي و هي مش متقبلة الموضوع لحد دلوقتي

مهاب : يا حنين

نظر له احمد بحنق و سكت

حمزة بنفاذ صبر : ماتخلصوا فين حبيبة

عمر : و انت مهتم ليه يازميلي مانشوف شغلنا و هنقا**ها كمان يومين

حمزة بتلعثم : مبحبش اكون زي الاطرش فالزفة يعني ايه تعمل البازبورتات و منعرفش هي فين

مهاب : يا خبر انهاردة بفلوس بكرة يبقا ببلاش

حمزة : عشان خاطري يا احمد اتصل بسيدرا

احمد علي مضض ماشي

احمد : الو

سيدرا : و عليكم السلام

احمد باحراج : انتي عارفة مين معاكي

سيدرا : ايوة افندم في حاجة

احمد : ازي صحتك دلوقتي

سيدرا : الحمد لله شكرا لسؤالك

احمد : كلتي و خدتي الدوا

سيدرا : ايوة كلت مع جدو و خدته

حمزة بصوت عالي : ماتخلص ياعم النحنوح ده اللي مش بتكلمك

سيدرا: هو فيه حاجة انا معطلاك

احمد و هو يخرج المسدس و يوجهه لرأس حمزة بعصبية??? : لا ولا حاجة ده في كلاب بتهوهو هنا

احمد : احم هي حبيبة جاتلك انهاردة

سيدرا : اه هي فطرت معانا و ودعتنا و بعدين قالت عندها شغل

احمد : طب متعرفيش فين

سيدرا : حبيبة حتي مكانتش قايلالي هي عايشة فاني بلد هتقولي رايحة فين

احمد : طب ماشي مع السلامة و خلي بالك من نفسك

سيدرا : ان شاء الله باي

احمد بسهتنة : باي

و اغلق المكالمة

حمزة : ما تظبط ياد مالك

مهاب :??واضح ان الوحش وقع و لا حدش سما عليه

عمر : و بعدين احنا كلاب

احمد بتحذير: بتقولوا حاجة

مهاب : و ربنا ماحصل، اللي مقدرتش اعمله فسنتين عملته فيوم و نص يا قادر

احمد : الناس مقامات

بعد يومين :

في المطار وصل الجميع في المعاد و لم تصل حبيبة ووجدوا اوراقهم الشخصية في استعلامات المطار

حمزة?? : هو ف ايه بقا ايه الغموض ده هي فين

احمد : معرفش حتي تليفونها مقفول

عمر : اكيد هتظهر يعني

مهاب : ماتتصل باللوا حسن

حمزة : مانا اتصلت و قالي عادي اركبوا الطيارة

احمد : واضح انها مش هاتيجي معانا عشان كدة علمتنا اليومين اللي فاتوا

حمزة : طب يلا عشان معاد الطيارة

عمر : في الباسبور الفيزا فيها ترانزيت المانيا

حمزة : اكيد تمويه يالا بينا

و ركبوا الطائرة و كلا منهم يفكر في امر مختلف فكان حمزة يشعر بالضيق بسبب عدم وجود حبيبة و لانه بدا يشعر بمشاعر لا يفهمها تجاهها او يصطنع عدم الفهم

و مهاب كان يتذكر ماحدث قبل يومين عندما ذهب لزيارة ياسمين في منزلها

Flash back

مهاب : ازيك يا حماتي

نادية (حماة مهاب)??: الحمد لله انت شايف اه

مهاب : ديما يارب ان شاء الله بعد المهمة دي نعمل الفرح

نادية : ليه يا حبيبي في حاجات ياما ناقصة

مهاب : زي ايه

نادية : زي اوضة العيال و حاجتها و كمان الفرح لازم يتعمل فقاعة عليها القيمة انا بنتي مش اقل من حد

مهاب : افهميني بس يا حماتي احنا بقالنا سنتين مخطوبين و انتي هارياني طلبات فوق طاقتي و انا اقول معلش بنتها الوحيدة لكن كدة زيادة اوي ايه اوضة الاطفال احنا لسة ماتجوزناش اصلا عشان نفكر فالاطفال الفرح من عنيا بس برضو انا مش هموت نفسي انا مش هسرق

نادية : ايه يعني مفرحش ببنتي بلاها من دي جوازة

مهاب : استعيذي بالله كدة و اهدي ايه اللي بلاها جوازة انا بحب ياسمين و بقولك لو اطول اجبلها نجمة من السما مش هبخل عليها لكن حضرتك قدريني

نادية : هشوف يا مهاب

مهاب ??: انا هروح المهمة دي و هرجع احضر للفرح و مش هيهمني حد انا صبرت ياما انا ماشي

ياسمين : استنا بس

مهاب : معلش يا حياتي هكلمك بالليل بس لازم امشي ادعيلي و ربنا يجمعنا علي خير

ياسمين : ان شاء الله

Back

مهاب لنفسه ": هتعمل ايه بس يا مهاب

و كان يفكر عمر فيما حدث من والديه

Flash back

عاد عمر من المعسكر و ذهب لمنزل والدي سارة

دق عمر الباب و فتحت سارة

سارة بففرحة : عمر

عمر : قلب و روح عمر

القت سارة نفسها بين احضانه : حبيبي وحشتني جدا

عمر : و انتي اكتر يا روحي تعالي ندخل بس عشان اتفضحنا

سارة بضحك : تعالي ،ماما بابا عمر جه

هبة (والدة سارة ): اهلا وسهلا يابني حمدلله علي سلامتك

عمر : الله يسلمك يا ماما

عصام (والد سارة ) : حمد لله علي سلامتك يابني

عمر : الله يسلمك يا عمي

هبة : تعالي يا حبيبي اتغدا احنا لسة ماتغدناش

عمر : هو انا اقدر ماكولش من ايدك يا جميل

هبة بضحك : طب يالا

عمر بهمس لسارة : بحبك

سارة بخجل : و انا كمان

عمر : يلهوي علورد اللي فتح ياناس

سارة : خلاص بقا

و مر اليوم بسعادة و اخذ عمر سارة للشقة الجديدة و اعجبتها كثيرا و كانت فرحة و لكن تأتي الرياح بما لا تشتهي السفن فبعد يومان هاتف والد عمر ابنه و اصر عليه ان ياتي عمر و زوجته لزيارتهم

سارة بحنية : حبيبي لازم تروح دول باباك و مامتك مينفعش يرضيك لما ربنا يرزقنا ببيبي حلو كدة و بعد ما يكبر ميبقاش عايز يجلنا

عمر : لأ طبعا بس علي الاقل اروح انا بلاش انتي

سارة : حبيبي متقلقش و بعدين انا استحمل ايه حاجة علشانك

عمر : ربنا مايحرمني منك

ايه اللي هيحصل فالمهمة

حبيبة فين و ليه مختفية

حمزة هيعمل ايه

كل ده هنعرفه فالفصول الجاية من رواية برمجت قلبي

دمتم في حفظ الله

By Habeba Elsyd