Maghapong nanatili sa orphanage si Claude at dumalo rin ito sa misa kaya nakilala nito si Father John, ang mataba at kwelang pari na sumusuporta rin sa orphanage.
Halata man kay Claude na hindi ito sanay sa presensya at ingay ng mga bata ay hanga ako sa pagpupursige nitong makibagay.
Wala akong narinig na reklamo mula rito kahit kaninang may nangyaring away-bata at nagkagulo nang konti.
Ang bait niya talaga at—
"Ang gwapo."
"Ang bango."
"Ang macho."
Naputol ang pag-iisip ko dahil sa parang nangangarap na usal ng mga kaibigan kong pare-parehong nakasunod sa bawat kilos ni Claude ang mga mata.
Hindi ko napansin kung kailan sila dumating at tumabi sa'kin.
Naiiling na lang ako sa inasta nila. Habang nagmimisa kanina ay kapansin-pansing wala sa sinasabi ng pari atensiyon nila kundi a
