Tahimik lang ako habang panaka-nakang ninanakawan ng sulyap si Claude habang kausap niya si Mother Superior.
Halos wala na akong maintindihan sa mga pinag-uusapan nila dahil mas nakatuon ang pansin ko sa bawat pagbuka ng mapupulang mga labi ni Claude at sa mahinahon niyang pagsasalita.
Ilang beses ko nang kinutusan ang sarili mentally upang bumalik ako sa katinuan pero walang epekto.
Mukha kasing simula kanina no'ng dumating si Claude ay nagkandabuhol- buhol na iyong utak ko at kung anu-ano na iyong sumasagi rito.
Hindi naman ako ganito rati kaya talagang nakakapanibago.
"Narinig mo iyon, Therese?"
Napakurap-kurap akong napatingin sa mukha ni Mother Superior dahil narinig kong binanggit nito iyong pangalan ko pero 'di ko alam kung tungkol saan iyong tanong.
"P-po?" utal kong balik t
