Akmang kakawala ako mula sa taong nakahawak sa baywang ko pero humigpit ang kapit nito sa'kin.
Kung ano-anong senaryo na ang naglalaro sa isip ko. Panay ang dasal ko habang humihigpit ang kapit sa bitbit na baso.
Kahit kabado ay lakas-loob kong nilingon ang may-ari ng mga kamay na nakahawak sa baywang ko habang hindi nagbabago ang posisyon namin.
Kahit gustuhin ko mang baguhin ay masyadong mahigpit ang kapit niya kaya hindi ako malayang makakakilos.
Unang sumalubong sa mga mata ko ay ang matipunong dibdib ng isang lalaki na sumisilip sa suot nitong damit na nakabukas ang ilang mga butones.
Sunud-sunod akong napalunok.
Kaya pala kasing tigas ng pader dahil kung titingnan ay halata ngang matigas!
Mabagal na naglakbay ang mga mata ko papunta sa malapad nitong balikat... paakyat sa pa
