Ilang sandali pa lang mula no'ng iniwa akong mag-isa ni Claude sa loob ng sasakyan pero gusto ko na agad siyang bumalik.
Panandalian lang pala ang naramdaman kong kapanatagan dahil bigla ay parang hindi na ako mapakali hangga't wala siya rito upang samahan ako.
Mula sa kinauupuan ko sa loob ng kotse ay hindi gaanong malinaw iyong labas dahil walang ilaw maliban dito sa headlights na hindi naman nakatutok sa pinuntahang direksyon ni Claude. Gano'n pa man ay pilit kong inaaninag kung ano ang nangyayari sa labas.
Medyo humihina na ang ulan kaya kahit papaano ay agad kong natukoy agad ang nakatagilid na anyo ni Claude habang parang kinakausap iyong mga lalaking nagtangka kanina sa'kin.
Nakahanay ang mga ito sa harapan niya at wala na iyong kaangasan sa tindig nila.
Wala namang kakilos-ki
