DASHIEL
"Pare, pwede ba tayo mag-usap?" bungad ko kay Dean.
Nasa bahay kami ni Vayne dahil nagyaya ito ng inuman. May pinagdadaanan kasi ang isang ito kaya naman dinamayan muna namin. Nang makahanap ako ng chance na makausap si Dean ay hindi na ako nag-aksaya ng panahon. Kailangan kong maliwanagan lalo at patuloy pa rin akong binabagabag tungkol sa sinabi ni Waldo. Alanganin siyang sumulyap sa akin at bahagyang tumango. InaboT niya ang isang stick ng sigarilyo bago sumunod sa akin. Sa balcony ako huminto at sumandal sa barandilya nito.
"What is it, bro?" tanong niya. Naupo siya sa tiffany chair saka ipinatong ang mga paa sa center table.
Medyo may tama na rin siya dahil sa epekto ng alak. Sinindihan niya ang hawak na yosi at nag-umpisang maghithit buga. Sinundan ko ng tingin ang kama
