DASHIEL
Dalawang araw ang lumipas mula ng may mangyari sa amin ni Ian. Parehong araw na hindi rin siya pumasok sa escuela ayon na rin kay Mari. Nang gabing ihatid ko siya ay halos buhatin ko siya papasok sa Villa, dahil sa labis na pagod mula sa ginawa namin. Mabuti at si Manang Caridad ang nabungaran namin at hindi si Lambert. Ang matatandang Verasco naman ay madaling araw na nakauwi mula sa Norte. Nang makauwi ako ay hinanap ko ang phone ni Ian sa treehouse at nakita ko iyon sa pinakasulok na bahagi. Wasak ang screen at halatang kailangan ng palitan. Hindi na mapapakinabangan. Palaisipan pa rin sa akin kung sino ang nakausap ko at tumawag sa kanya ng mahal.
"Nay, bibisitahin ko lang po si Ian. Ilang araw na po kasi kaming hindi nagkikita," nahihiyang paalam ko. Busy siya sa paggagantsi
