Saglit na nagkatinginan ang dalawa nang dahil sa biglaang pagtawag ni Mico kay Avril ngayon. Agad na ‘ring napatayo si Avril sa kanyang pagkakaupo nang maalala niyang hindi niya nga pala nasagot ang tawag nito kanina. Muling bumalik ang pakiramdam niyang hindi maipaliwanag kanina. Hindi niya alam kung bakit bigla na siyang natakot na sagutin ang tawag nito. Agaran pa ang naging panlalamig ng kanyang dalawang palad. Bagay na napansin ni Yuriah na kanina pa siya lihim na inoobserbahan at pinagmamasdan. Hilaw nang ngumiti pa si Avril sa kaibigan niya.
“Hindi mo ba iyan sasagutin?” buka lang ng bibig ni Yuriah na ikinakurap na ng mga mata ni Avril na puno na ng emosyon ng pinaghalong takot at pananabik, hindi niya alam kung bakit naiiyak na siya ngayon pa lang nang dahil lang sa tawag ng
