Sa pagbukas ng pintuan ng dalaga ay bumungad sa kanya ang mukha ng nobyong malawak na nakangiti sa kanya. Halos mapunit na ang labi nito na kulang na lang ay umabot sa kanyang dalawang tainga. Malawak na nakabukas ang dalawang bisig nito na para bang hinihintay na bigyan niya ito ng mahigpit na mga yakap. Kumikinang sa saya ang kanyang mga mata na kawangis ng mga bukas na ilaw sa labas ng kanyang unit at ng kumukutitap na mga bituin sa kalangitan. Sa kanyang gilid ay naroon ang kanyang dala-dalang maleta papuntang Hongkong, sa ibabaw nito ay ang plastic ng mga chocolates na kanyang binili sa isang shop sa airport na para sa kanyang nobya. Tinupad niya nga ang sinabi niya sa mga kaibigang dito siya de-deretso upang bumawi sa mga oras na nawala sa kanilang magkasintahan. Dito nga siya umuwi
