“Ano ba'ng problema mo? Inaway ka ba ng boss mo? Isumbong mo sa 'kin 'yan at susugurin ko 'yan ngayon din!”
Napaismid na lang ako sa sinabi ni Daisy sa kabilang linya. Ang yabang talaga ng babaeng 'to eh ni hindi niya nga ako masuntok ng malakas.
“Okay lang ako, brokenhearted lang talaga,” sabi ko at humiga sa kama.
Tinamad na tuloy akong kumilos, nawalan ako ng gana sa lahat. Hindi ko man nakita ang kissing scene nila ni Ruby, na-imagine ko naman. Baka nga nagpunta sila ng hotel kagabi eh, baka hindi lang kissing scene ang ginagawa nila ni Derron.
Hindi tuloy ako nakatulog ng ayos kakaisip sa nangyari sa kanilang dalawa.
“Brokenhearted ka?! May crush ka ba?!” tila hindi makapaniwalang tanong niya.
“Oo, may crush ako kaso hindi siya tao,” sabi ko na lang saka niyakap ang unan ko.
“A
