Habang papasok kami sa property nila ay mas lalo akong kinabahan. Paano kung hindi ako magugustuhan ng kanyang mga magulang? Paano kung bubuhusan lang ako ng tubig o di kaya ay sampalin ng isang envelope na may lamang pera? Napangiti ako sa aking i iniisip dahil baka tatanggapin ko na lang ang pera.
"Malapit na tayo," paala niya.
"Oo nga eh kaya kinakabahan ako lalo. P'wede kayang next time ko na lang sila i-meet?" Natawa si Jake sa tanong ko.
"Ngayon ka pa aatras eh narito na tayo, baby. Huwag kang kabahan, kaya naman kitang ipaglaban kahit sa tigre ko pang ina," sabi nito.
"Tiger siya?"
"Medyo," sagot ng lalaki kaya mas lalo akong pinagpawisan talaga.
Makalipas ang ilang minuto ay huminto na ang sasakyan ni Jake sa isang malaking bungalow na kulay asul ang bubong. Ang ganda ng baha
