Nang marinig ko ang utos ng ama ni Jake ay bahagya akong natakot. Paano kaya kung hindi ako papayag? Kakaladkarin ba ako palabas ng bahay o di kaya ay ikulong sa isang kwarto sa kanilang mansion? Kung papayag naman ako, bibigyan kaya ako ng bayad bilang danyos sa nawasak kong puso? O ipapadala kaya nila sa States si Jake upang mabilis itong makalimot? O baka naman ipa-kidnap pa ako ng ama nito at itapon sa isang malayong lugar? Kinilabutan ako bigla sa huling naisip ko.
"Narinig mo ba ako, iha? Sa tingin ko naman ay matino kang babae dahil sabi mo nga ay nagtrabaho ka sa EC noon, kaya ikaw na sana ang marunong umintindi," sabi pa niya sa akin at nakatingin lang ako sa kanya habang nakikinig sa iba pa niyang pinagsasabi.
"With due respect sir, pero bakit ko gagawin iyon? I mean, sobrang i
