Kanina pa kami nakauwi ngunit hindi pa rin nawala sa isip ko ang huling sinabi ni Jacob sa akin kanina. Gentleman daw talaga siya maliban sa kama. Dios mio, kinilabutan naman ako sa sinabi niya. Bakit ganoon?
"Ayyy kabayo!" Nagulat ako nang maabutan ko siya sa kusina na abala sa paghuhugas ng mga pinamili namin. Nagbihis pa kasi ako ng pambahay pagkagaling sa supermarket.
"Ang tagal mo naman, paano ba 'to?" Nagtanong ang lalaki habang hinawakan ang binili kong lumpia wrapper at huli na ang lahat ng pati ito ay nilublob ng lalaki sa tubig.
"Ano'ng ginagawa mo?" Tumaas ang aking boses habang nagtatanong dahil iyon lang kasi ang binili ko at walang extra. "Basa na ang lumpia wrapper, bakit hindi ka nagbasa? Ako na nga diyan!"
"Bibili na lang ulit ako. Nagkamali lang eh galit ka na kaaga
