NAIILANG MAN ay sumabay pa rin si Tanya sa almusal kay Karzon kinaumagahan.
Hindi rin niya mapigilan ang sarili na hindi ma-weirdo-an sa ikinikilos ng kaniyang asawa ngayon. Bakit parang gumaganda ang mood nito? Hindi kasi makikitaan ng kahit na anong kalamigan ang awra nito.
Dahil ba sa anito ay nagpapasaya rito na kape nito?
Talaga ba?
Imposible.
Parang ayaw niyang maniwala. Dahil noon naman kapag ipinagtitimpla niya ito ng kape ay malamig pa rin ang awra nito. Pero bakit ngayon, ramdam niya na para bang may sumapi na ibang katauhan kay Karzon?
At simula iyon noong mag-demo-an silang dalawa.
Ang mainit na halik na pinagsaluhan nila…
Muntik pa siyang masamid dahil sa naisip. Uminom siya ng tubig at nagpatuloy sa tahimik na pagkain. Ngunit ang buong sistema niya ay patuloy pa rin n
